2025-01-03
Close
2025-01-03
जनकपुरधाम । २०७८ सालको एसईई परीक्षामा सहभागी जनकपुरधामस्थित मोनाष्टिक आवासिय माध्यमिक विद्यालयका एक छात्रले प्रदेशभरिमै उत्कृष्ट नतिजा ल्याएका छन् ।
जनकपुरधाम उपमहानगरपालिका–१३ कर्वड हल बस्ने संतोष यादवका छोरा प्रवेश यादवले यसवर्षको एसईईमा मधेश प्रदेशमै उत्कृष्ट नतिजा ल्याएका हुन् ।
राष्ट्रिय परीक्षा बोर्डले सार्वजनिक गरेको नतिजा अनुसार जनकपुरधामस्थित मोनाष्टिक आवासिय माध्यमिक विद्यालयमा अध्ययनरत यादवले ४ जीपीए ल्याएर प्रदेश टप गरेको स्कुलका सञ्चालक डाक्टर सोनु साहले जानकारी दिए ।
डा. साहले देशभरीमा ४२ जना विद्यार्थीले ४ जीपीए ल्याएकोमा त्यसमध्ये मोनाष्टिकका छात्र प्रवेश पनि एक रहेको बताए । प्रवेशले मधेश प्रदेशभरिमै सर्वोत्कृष्ट नतिजा ल्याएको सञ्चालक साहले बताए ।
सञ्चालक साहले मोनाष्टिक आवासिय माध्यमिक विद्यालयबाट यसवर्ष कूल २१६ छात्र छात्राले एसईईमा सहभागिता जनाएकोमा ३१ जनाले A+, ७१ जनाले A, ७३ जनाले B+, ३५ जनाले B र ६ जनाले C+ ग्रेड ल्याएकोसमेत जानकारी दिए ।
त्यस्तै, विद्यालयका प्रियांसु चित्रांशले ३.९० जीपीए
, लक्ष्मी कुमारी महतोले ३.८५ 
र केशव कुमार साहले ३.८५ जीपीए ल्याएका छन् । 
