2024-12-21
Close
2024-12-21
श्याम गुप्ता
बारा, २५ भदौ
कलवार कल्याण समिति, जीतपुर बाराको आयोजनामा कलवार समुदायको कुल देवताको रुपमा रहनुँ भएका बलभद्र भगवानको आज भव्य रुपमा सामुहिक पुजाको आयोजना गरिएको छ । सामुहिक पुजाको जजुमानको रुपमा स्थानीय कल्वार समुदायका रामबाबु प्रसाद कलवार र उहाँकी पत्नीले शोधा देवीले पुजाको अवधी भर उपवास (चौका) बसी पुजालाई पूर्णता दिलाउँनु भएको हो । प्राचिन काल देखि नैं कृष्ण भगवानका दाजु बलभद्र भगवान कलवार समुदायको कुल देवताको रुपामा रहनुँ भएको छ । बिभिन्न समुदायका श्रद्धालुहरु बलभद्र भगवानलाई बलरामको रुपमा पनि लिने गरेको बलभद्र पुजाका आचार्य पवनेश शास्त्रीले बताउँनु भयो । बलभद्रको अर्थ बारे बताउँनु हुँदै आचार्य शास्त्रीले बललाई शक्ती र भद्रलाई अन्न मानिएकको बताउँनु भयो । बलभद्र भगवानलाई भात, विषेश किसिमको दाल र पाँच प्रकारको तरकारीको भोग लगाउँने प्रचलन रहेको पनि उहाँले बताउँनु भयो । उहाँको पुजा पश्चात सो अन्नलाई कलवार समुदायका भक्तजनहरुले प्रशादको रुपमा ग्रहँण गर्ने प्रचलन पनि प्राचिन काल देखि नैं चलि आईरहेको आचार्य शास्त्रीले बताउँनु भयो । पुजा आरम्भ गर्नु अघि यो समुदायले बाजागाजा र घोडाको घोडदौल सहिँत शोभा यात्रा पनि निकालेको थियो । सयौंको संख्यामा रहेका श्रद्धालु भक्तजनहरुको सहभागितामा पुजा स्थलबाट निकालिएको शोभा यात्राले जीतपुर स्थित राजमार्ग हुँदै केराढोका, गुदरी बजार, टेंढारोड, पहाडिटोल स्थित दुर्गामन्दिर सम्म पुगेर पुनः पुजा स्थलमा फर्किएर बिधिवत रूपमा पुजा आरम्भ भएको हो ।
फुटेज
