2025-01-18
Close
2025-01-18
जनकपुरधाम । सशस्त्र प्रहरी धनुषाले लागू औषधसहित दुईजनालाई पक्राउ गरेको छ ।
पक्राउ पर्नेमा धनुषाको सबैला नगरपालिका वडा नम्बर–४ मखना बस्ने ३४ वर्षीय खालिल राईन र गणेशमान चारनाथ नगरपालिका–४ बिरेन्द्रबजार बस्ने २७ वर्षीय गुड्डु आलम रहेका छन् ।
आइतबार साँझ विदेह नगरपालिका–१ महिनाथपुरस्थित महिनाथपुर नाकामा सशस्त्र प्रहरी बल, नेपाल बोर्डर आउट पोष्ट महिनाथपुरबाट सशस्त्र प्रहरी निरीक्षक गणेश दत्त पाण्डेयको कमाण्डमा खटेको टोलि र प्रहरी चौकी ठाडीबाट नेपाल प्रहरी सहितको संयुक्त टोलिले भारतबाट नेपालतर्फ आउँदै गरेको दुबैजनालाई चेकजाँचको क्रममा पक्राउ गरेको थियो ।
प्रदेश–२–०२–००४प ६३१५ नम्बरको मोटरसाइकलमाथि शंका लागि चेकजाँच गर्दा खालिलले लगाएको हाफ ज्याकेट भित्र कालो प्लाष्टिकको झोलामा लुकाई राखेको अवस्थामा डाईजेपाम ईन्जेक्सन ७५ वटा (प्रति ईन्जेक्सन २ एम.एल.), फेनारगन ईन्जेक्सन ७० वटा (प्रति ईन्जेक्सन २ एम.एल.) र आई पि पि एल ईन्जेक्सन ७५ वटा (प्रति ईन्जेक्सन २ एम.एल.) बरामद भएको सशस्त्र प्रहरी ८ नम्बर गण हेडक्वाटर धनुषाले जनकारी दिएको छ ।
पक्राउ परेका दुबैजनालाई कानुन बमोजिम कारवाहीका लागि ईलाका प्रहरी कार्यालय खजुरीको जिम्मा लगाइएको छ ।
