2024-11-26
Close
2024-11-26
काठमाडाैं । सरकारले गुलाबको फुल आयातमा प्रतिबन्ध लगाएको छ ।
सरकारले “भ्यालेन्टाइन डे” अर्थात १४ फ्रेबुअरीलाई लक्षित गरी गुलाबको फूल आयातमा प्रतिबन्ध लगाएकाे हाे । अर्को सूचना जारी गरी अर्को व्यवस्था नभएसम्मका लागि गुलाबको फूल आयातमा प्रतिबन्ध लगाइएकाे हाे ।
कृषि तथा पशुपन्छी मन्त्रालयअन्तर्गतको प्लान्ट क्वारेन्टाइन तथा विषादि व्यवस्थापन केन्द्र हरिहरभवनकी प्रमुख साबित्री बरालले विभिन्न क्वारेन्टाइन कार्यालयहरुलाई परिपत्र गरी अर्काे व्यवस्था नभएसम्मका लागि गुलाबको फूल आयातका लागि आयात अनुमतिपत्र जारी नगर्न अनुराेध गर्नुभएकाे छ ।
काँकडभिट्टा, भण्टाबारी, विराटनगर, मलगंवा, जलेश्वर, वीरगञ्ज, तातोपानी, एयरर्पोट, रसुवा, भैरहवा, कृष्णनगर, गडडाचौकी, लोमान्थाङ र बैतडी नाकाबाट गुलाबको फूल आयात गर्न पाइने छैन । ‘यस केन्द्र तथा अन्तरगतका कार्यालयहरुबाट विशेष कारणले अर्को व्यवस्था नभएसम्मका लागि गुलाबको फूल आयात नगर्नका लागि आयात अनुमति पत्र जारी नगर्नुहुन सबन्धित सबैमा जानकारीका लागि अनुरोध छ’-परिपत्रमा लेखिएकाे छ ।
