2024-12-30
Close
2024-12-30
वीरगन्ज । जिल्ला प्रहरी कार्यालय पर्सा प्रहरी उपरीक्षक कोमल साहको सक्रियतामा मुद्दा फाँटका एक जना वरिष्ठ सईसहित तीन जना प्रहरी घुस मागेको आरोपमा बुधबार देखि निलम्बनमा परेका छन् ।
चेक अनादर मुद्दामा घुस मागेको पाइएपछि मुद्दा फाँटका वरिष्ठ प्रहरी नायव निरीक्षक वसन्त भट्टराई , प्रहरी नायव निरीक्षक वजयमोद ठाकुर र प्रहरी जवान महेश महतो निलम्बनमा परेको पर्सा प्रहरी उपरीक्षक शाहले जनाएका छन् ।
स्रोतका अनुसार चेक अनादर मुद्दामा अदालतबाट जारी भइसकेको पक्राउ पुर्जी सम्बन्धित इलाका प्रहरी कार्यालय पोखरीयामा पठाउन मुद्दा फाँटका प्रहरीहरुले पीडित निवेदकसँग १ लाख रुपैयाँ घुस मागेका थिए ।
घुस मागेको कुरा सुन्न साथ एसपी साहले पीडित निवेदकसंग सम्पर्क गरी सक्रियता देखाई घुस माग्ने ३ जना प्रहरीलाई निलम्बन गर्न प्रक्रिया अगाडि बढाएका थिए ।
पर्साको पोखरिया नगरपालिका ७ निवासी निवेदकले मुद्दा फाँटका प्रहरीले घुस माग गरेको कुरा एसपी शाहलाई जानकारी गराएका थिए । जानकारी हुन साथ एसपी साहले पीडित लाई आफ्नो कार्यकक्षमा बोलाएका थिए गत आईतबार एसपीकै कार्यकक्षमा बसिरहेको समयमा मुद्दा फाँटका प्रहरीले मोबाइलमा फोन गरि पैसा लिएर प्रहरी कार्यालय परिसरभित्रै रहेको रुखनिर आउन भनेका थिए,’ नाम उल्लेख नगर्ने सर्तमा ती स्रोत भन्छन्, ‘प्रहरी जवानले घुसको पैसा लिएर आउन भनिरहँदा एसपी साहेब आफ्नो कार्यकक्षको झ्यालबाट ती प्रहरीलाई हेरिरहेका थिए ।’
रुखनिर उभिरहेका प्रहरी जवान महेश महतोलाई नियन्त्रणमा लिई अनुसन्धान थालिदै जाँदा अनुसन्धानको क्रममा मुद्दा फाँटका वरिष्ठ सई भट्टराई र सई ठाकुरको समेत संलग्नता देखिएपछि तीनै जनालाई बुधबार निलम्बन गरिएको एसपी शाहले बताए ।
