2025-01-23
Close
2025-01-23
अप्पन जनकपुर
जनकपुरधाम, भदौ २ । नेकपा (माओवादी केन्द्र) का सचिव लिलामणी पोखरेलले निर्वाचन प्रणाली बदलिनुपर्ने बताएका छन् । उनले अहिलेको निर्वाचन प्रणाली पुँजीपति वर्गका लागि मात्रै रहेको बताए ।
महान शहीद रामवृक्ष यादवको २९ औँ स्मृतिसभालाई धनुषाको बरमझियामा सम्बोधन गर्र्दै पाखरेलले अहिलेको निर्वाचन प्रणाली अत्यन्तै खर्चिलो भएकोले यो प्रणाली गरिब निमुखाको लागि नरहेको बताए । उनले आफ्नो पार्टी अहिले पनि यो निर्वाचन प्रणाली फेर्न संघर्ष गरिरहेको रहेको बताए । माओवादीको मूल एजेण्डा अहिले पनि जनताबाट प्रत्यक्ष निर्वाचित कार्यकारी राष्ट्रपतिको पक्षमा रहेको बताए ।
उनले माओवादीले जनताको लागि सुरु गरेको जनयुद्ध अहिले नै अन्त्य भएको नबुझ्न आग्रह गरे । उनने माओवादीले अहिलेका लागि जनयुद्ध स्थगित मात्रै परेको र आवश्यक परे फेरी जनताका लागि जनयुद्ध सुरु गर्ने बताए ।
मधेश प्रदेशका ईन्चार्ज समेत रहेका पोखरेलले रामवृक्ष यादवले दशकौ अगाडी देखेका सपना अहिले आएर विस्तारै हुदै गईरहेको बताए । माओवादी अझै पनि समाजवादको पक्षमा अडिग भएर उभिएको बताए । उनले काँग्रेस एमाले लगायतका दल अझै पनि माओवादी प्रति जालझेल गरिरहेको आरोप लगाए ।
जनयुद्ध सुरु हुनु अगावै तयारीकै क्रममा वि.सं. २०५१ भ्दौ २ गते तत्कालीन राज्य पक्षद्वारा रामवृक्ष यादवको हत्या गरेको थियो । २००३ सालमा धनुषाको बरमझियामा जन्मेका उक्त क्षेत्रमा यादव ‘मास्टर साहेब’को नामले चर्चित थिए ।
कार्यक्रममा माओवादी केन्द्रिय सदस्य एवं धनुषा ईन्चार्ज श्रवण बरबरीया, पोलिटब्यूरो सदस्य एवं पूर्वमन्त्रीहरु बोधमाया यादव, पूर्वमन्त्री अजय शंकर नायक, महेन्द्र पासवान, मधेश प्रदेशकी मन्त्री सुनिता यादव, जिल्ला अध्यक्ष दिपक यादव, रामवृक्ष यादवका त्यो बेलाका समकालीन शोभित यादव, दलित मुक्ति मोर्चाका प्रदेश सचिव बिनोद महरा लगायत हजारौँको सहभागिता थियो ।
