2024-11-25
Close
2024-11-25
बिपिन यादव
काठमाडौं । सशस्त्र प्रहरी निरीक्षक (इन्स्पेक्टर) बाट सशस्त्र प्रहरी नायब उपरीक्षक (डीएसपी) मा बढुवा भएका गणेश दत्त पाण्डे दर्ज्यानी चिन्हद्वारा सुशोभित भएका छन् ।
नेपाल सरकार गृह मन्त्रालय सचिवस्तरको यहि भदौ १३ गतेको निर्णयले डीएसपीमा बढुवा भएका पाण्डेसहित सबै डीएसपीहरु लाई सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल, प्रधान कार्यालय हल्चोक स्वयम्भूमा सोमबार आयोजित एक समारोहकाबीच दर्ज्यानी चिन्ह प्रदान गरेका हुन् ।
उक्त अवसरमा सशस्त्र प्रहरी महानिरीक्षक राजु अर्यालले बढुवा भएका डीएसपी पाण्डेसहित सबै डीएसपीहरुलाई बधाई दिँदै बढुवासँगै थपिएको जिम्मेवारी वहन गर्न क्रियाशिल हुनुपर्नेमा जोड दिए ।
कार्यक्रममा सशस्त्र प्रहरी अतिरिक्त महानिरीक्षकहरु, प्रहरी नायव महानिरीक्षकहरु लगायत वरिष्ठ प्रहरी अधिकृतहरुको उपस्थिति रहेको थियो ।
