2024-12-30
Close
2024-12-30
अप्पन जनकपुर
जनकपुरधाम । बारा जिल्लाको सिमरा उपमहानगरपालिकाको शिक्षा शाखाले एक शिक्षकमाथि अत्याचार गरेको बताईएको छ ।
बाराको सिमरामा रहेको श्री नेपाल राष्ट्रिय माध्यमिक विद्यालयमा २०३९ साल देखी करिब ४१ बर्ष प्रावि शिक्षकको रूपमा कार्यरत शिक्षक ब्रहमदेव पासवानमाथि उपमहानगरपालिकाको शिक्षा शाखाले अवकाशको बेला अत्याचार गरेको आरोप छ ।
अबको २ बर्ष पछि उमेरहदका कारण अनिवार्य अवकाश हुने बेलामा शिक्षक पासवानलाई उनी कार्यरत विद्यालयबाट अर्कै दुर दराजमा सरुवा गरिदिएपछि बिच्चली भएको छ ।
आफ्नो जिवनको ४१ वर्ष बिताएको र सेवा गरेको ठाउँबाट एकाएक जीतपुरसिमरा उपमहानगरपालिकाले हरपुर सरूवा गरिदिएपछि आर्थिक रूपले कमजोर शिक्षक पासवानले स्थानीय सरकार अत्याचार गरिदिएको महसुस गरेको सुनाए ।
“कुनै सवारी साधन नभएका, उहाँका लागी हरपुर अपायक ठाउँ थियो तर उपमहानगरले सरूवाको पत्र बिद्यालयमा पठाएपछि उहा कार्यरत बिद्यालयले उहाँ संग कुनै सोधखोज नगरी रमाना पत्र थमायो, आफुले ४१ बर्ष बिताएको ठाउँ, अबको २ वर्ष बाकि जागिर जिवन, आर्थिक रूपले कमजोर र कुनै राजनीतिक पहुच न भएकोले उहाँ उपमहानगरले सरूवा गरेको बिधालय पुग्नु भयो । तर त्यहा बिधालयले उहाँलाई हाजिर गर्न दिएन । यस बिषयमा उहाँ स्वयम उपमहानगरपालिकामा निबेदन दिनुभयो तर उपमहानगरले सोधपुछ को परैको कुरा कुनै सुनुवाइ समेत गरेन ।”– एक स्थानीय बुद्धिजीवीले गुनासो पोखे । बिगत एक महिनादेखि शिक्षक पासवान हाजिर गर्ने ठाउँ पाएका छैनन् । आफ्नो बिद्यालयले रमाना दिएपनि उनको ठाउँमा अर्कोलाई नियुक्त गरिदिएपछि झन बित्यास भएको हो ।
जहाँ पठाएको त्यहाँ हाजिर गर्न नदिएपछि दशैको मुखमा तलब आउने नआउने कुनै ठेगान छैन । एक छोरा गुमाईसकेका उनी शारीरिक रूपमा केहि कमजोर छन् ।
उनले आज सम्म कुनै दल, न त कुनै नेता, न कुनै व्यक्ति कसैको झोला नबोकेका एक सिधासोझा शिक्षकलाई उपमहानगरले अपमान गरेको स्थानीयहरुको भनाई छ ।
