2024-12-21
Close
2024-12-21
जनकपुरधाम । मधेश प्रदेशको राजधानी जनकपुरधामस्थित मधेश प्रदेश लोक सेवा आयोगको एक कर्मचारीको श्रीमतिले चढदै आएको सवारी नियन्त्रणमा लिईएको छ ।
सोमबार अपरान्ह जनकपुरको पीडारीचोकस्थित सरकारी नम्बर प्लेट (सेतो प्लेट) लाई परिवर्तन गरी नीजि गाडी बनाएर चढदै आएको खण्डमा चेकजाँचको क्रममा नियन्त्रणमा लिईएको हो ।
मधेश प्रदेश लोक सेवा आयोगको एक कर्मचारीको श्रीमतिले सरकारी नम्बर प्लेट चेन्ज गरी नीजि बनाएर चढदै आएको खुलेको हो । सवारी लक गरेपछि उनले आफू कर्मचारीको श्रीमति रहेको बयान दिएको प्रत्यक्षदर्शीले बताए ।
उनले आफ्नो नाम समेत खुलाइनन् । मधेश प्रदेश लोकसेवा आयोगको नाममा रहेको सरकारी गाडीलाई व्यक्तिगत रुपमा प्रयोग गर्न स्कुटीको नम्बर प्लेट चेन्ज गरिएको बुझिएको छ । चेकजाँचको क्रममा ट्राफिक प्रहरीले बिलबुक, कागजातहरु मागेपछि सो स्कुटी सरकारी रहेको खुलाएको बताईएको छ ।
सरकारी नम्बर प्लेटलाई लु ६० प ८५५७ नम्बर बनाएर बिना बिलबुकको चढदै आएको बताईएको छ । यसअघि उनले विभिन्न ठाउँमा ट्राफिक प्रहरीलाई चक्मा दिदै सवारी चलाउँदै आएकी थिइन् ।
यद्यपी, सरकारी गाडी नै रहेको भनेर पुष्टि भएको छैनन भने प्रदेश लोक सेवा आयोगमा सम्पर्क गर्दा फोन उठेनन् ।
जानकारी अनुसार, ट्राफिक प्रहरी कार्यालय धनुषाले सो सवारीलाई राजनीतिक पहुँचको दबाबमा नीजि साबित गर्न प्रयास जारी राखेको हो । नेताहरुको दबाबपछि सो सवारीको नम्बर, चालकको नाम, कर्मचारीको नाम समेत गोप्य राखी सवारी र चालकलाई समेत परिवर्तन गरी बचाउन खोज्ने आशंका गरिएको छ ।
