2024-12-26
Close
2024-12-26
अप्पन जनकपुर
जलेश्वर । महोत्तरीको गौशाला नगरपालिकास्थित अवैद्य उत्खनन गरी बालुवागिट्टी लग्ने ट्रिपरलाई नगर उपप्रमुखले कारवाही गर्न खोज्दा प्रहरीले छाडेको हो ।
गौशाला नगरभित्र रहेको खोलाबाट अवैद्य ढुँगागिट्टी र बालुवाको तस्करी भएपछि उपमेयर रेणु कुमारी महतोले आफैँ ट्रिपर रोकिन् । नगर उपप्रमुखको हैसियतले अवैद्य उत्खनन रोक्न पुगेकी उपमेयरले ट्रिपरलाई रोकेपनि प्रहरीले छाडिदिएको बताईएको छ ।
गौशाला नगरपालिका वडा नं. १० मरहा खोलाबाट अप्रत्यासित रुपमा अवैद्यानिक तवरले उत्खनन गर्न थालेपछि जानकारी अनुसार उपमेयर महतोले ट्रिपर रोक्न पुगेकी थिईन् । उनले अधिकार बमोजिम ट्रिपर रोकेर राख्दै प्रहरीलाई समेत खवर गरिन् ।
ईलाका प्रहरी कार्यालय गौशालाका प्रहरी ईन्चार्ज मनोज यादवले सो ट्रिपरलाई छाडेपछि विवाद चुलिएको हो । अवैद्य रुपमा उत्खनन गरिरहेको ट्रिपरलाई बिना कारवाही गर्दै प्रहरीले छाडेपछि उपमेयर महतोले प्रहरीको मिलोमत्तोमै उत्खनन भएको बताईन् ।
ढुङ्गागिट्टी बालुवाको माफिया तस्कर खोला र अवैध खन्नेचोरहरुको संरक्षक बनेर इलाका प्रहरी गौशालाले प्रदेश २ ०२००१ ख ०० ४६–००४७ नम्बरको ट्रिपर नगर उपप्रमुखले समाउँदा विवाद सिर्जना भइरहँदा इलाका प्रहरी कार्यालयको प्रमुख यादवले नदेखेको जस्तै बहाना गरी छाडेको आरोप छ ।
उपमेयर महतोले गोप्य सूचनाको आधारमा अनुगमन गर्दा पक्राउ गरेको सो ट्रिपरलाई गौशालाका ईन्सपेक्टर मनोज यादवले छाडेपछि उनले महिनबारी लिएको आरोप लगाईएको छ ।
