2024-12-26
Close
2024-12-26
बिपिन यादव
बिपिन यादव जनकपुरधाम । महोत्तरीको जलेश्वर नगरपालिका–३ खैरास्थितबाट लागुऔषधसहित एक युवक पक्राउ परेका छन् ।
पक्राउ पर्नेमा भारतको सीतामढी, श्रीखण्डी भिठा थाना सुरसन्ड बस्ने ४५ वर्षीय विनयकुमार मुखिया छन् । अस्थायी प्रहरी पोस्ट जलेश्वरका प्रहरी वरिष्ठ नायव निरीक्षक जयप्रकाश साहको कमान्डमा खटिएको टोलीले जाँच गर्दा उनलाई पक्राउ गरेको हो ।
उनका साथबाट लागुऔषध नाइट्रोभेट एक हजार पाँच सय पिस बरामद भएको छ ।
बिआर ०६ सिए ३५०६ नम्बरको मोटरसाइकलमा भारतबाट नेपालतर्फ आउँदै गरेको अवस्थामा रोकेर जाँच गर्दा लागुऔषध बरामद भएपछि उनलाई पक्राउ गरेको प्रहरीले जनाएको छ ।
उनीसँगै बिआर ३० एल २११६ मा सवार एक अर्का व्यक्ति भने मोटरसाइकल छाडी फरार भएका छन् ।
पक्राउ परेका मुखिया र नियन्त्रणमा लिइएका दुवै मोटरसाइकललाई जिल्ला प्रहरी कार्यालय महोत्तरीमा पठाइएको छ ।
