2024-12-26
Close
2024-12-26
जनकपुरधाम । धनुषा र सिरहा जोड्ने कमला नदीमा निर्माण भएको झोलुंगे पुलमा मोटरसाइकललाई आवतजावतमा रोक लगाएको छ । पुलमा सोलार प्यान जडान भईरहेकाले तीन दिनका लागि अत्यावश्यक बाहेकका मोटरसाइकललाई आवतजावतमा रोक लगाइएको पुल निर्माणमा स्वयंमसेवकको रुपमा खटेका ईन्जिनियर बिनोद कुमार मण्डलले जानकारी दिएको छ ।
पैदल यात्रीको लागि आवजावत खुला नै रहेको मण्डलले जनाएको छ । उनले सोलार जडान गर्दा मोटरसाईकल आवतजावतले गर्दा अप्ठयारो भईरहेको कारणले तीन दिनका लागि रोक लगाइएको बताए ।
ईन्जिनियर मण्डलले अतिआवश्यक भएकाहरुलाई आउन जानको लागि खोलिदिने बताए ।
रातिको समयमा सर्वासाधारणलाई आवतजावतमा सहजता प्रदान गर्न सोलार प्यानल जडान गर्न लागिएको जनाएको छ ।
माघ १८ गते सम्झौता अवधिभन्दा ६ महिना अगाबै निर्माण सम्पन्न भई सर्वसाधारणको लागि आवतजावत खुला गरिएको छ ।
