काठमाडौँ । नेकपा एमालेले अध्यक्ष केपी शर्मा ओली नेतृत्वको मन्त्रिमण्डलमा सहभागी हुने मन्त्रीहरूको नाम लगभग टुङ्गो लगाएको छ । आइतबार राति अध्यक्ष तथा प्रधानमन्त्री केपी ओलीको निजी निवासमा भएको छलफलमा मन्त्री बन्नेहरूको नामबारे सामान्य छलफल भएको थियो । एमालेका एक नेताका अनुसार यसपटक एमालेले हेभीवेट नेताहरूलाई मन्त्री बनाउँदैछ ।

छलफलमा सहभागी एक नेताका अनुसार उपाध्यक्ष विष्णु पौडेल, उपमहासचिव पृथ्वी सुब्बा गुरुङ, सचिवद्धय योगेश भट्टराई र छविलाल विश्वकर्मा मन्त्री बन्ने लगभग निश्चित भएको छ । त्यसैगरी नेताहरू कृष्णगोपाल श्रेष्ठ, विद्या भट्टराई, जुलीकुमारी महतो र दामोदर भण्डारीलाई पनि मन्त्री बनाएर आफू नेतृत्वको सरकारमा सहभागी गराउने अध्यक्ष ओलीले सङ्केत गरेका छन् ।

यद्यपि ती नामहरूमा भोलिसम्म केही फेरबदलसमेत हुनसक्ने ती नेताको भनाइ छ । उनले मन्त्री छान्ने जिम्मा अध्यक्षलाई दिइएकाले ओलीको स्पिरिटमा काम गर्न सक्नेलाई मन्त्रीको जिम्मेवारी दिन लागेको बताए ।

यसअघि कांग्रेस एमालेबिच मन्त्रालयको भागबन्डा आइतबार टुङ्गिएको थियो । एमालेको भागमा अर्थ, सञ्चार तथा सूचना प्रविधि, भौतिक पूर्वाधार तथा यातायात, रक्षा, उद्योग, वाणिज्य तथा आपूर्ति, सङ्घीय मामिला तथा सामान्य प्रशासन र भूमि व्यवस्था, सहकारी तथा गरिबी निवारण मन्त्रालय परेका छन् ।

त्यसैगरी गृह, परराष्ट्र, संस्कृति पर्यटन तथा नागरिक उड्डयन, सहरी विकास, कृषि तथा पशुपन्छी विकास मन्त्रालय, वन तथा वातावरण, स्वास्थ्य तथा जनसङ्ख्या, ऊर्जा, जलस्रोत तथा सिँचाइ, कानुन, न्याय तथा संसदीय मामिला मन्त्रालय कांग्रेसको भागमा परेको नेताहरूले बताएका छन् ।

सम्बन्धित

लोकतान्त्रिक विद्यार्थी संघको सह-महासचिवमा धिरज बिष्ट मनोनयन

धनुषामा सशस्त्र प्रहरीद्वारा पटका बरामद गरी नष्ट

मधेशको राजधानी जनकपुरधामलाई सफा राख्न मुख्यमन्त्री सिंहको आग्रह

धनुषाको शहिदनगर नगरपालिकाद्वारा शुभकामना आदानप्रदान कार्यक्रम सम्पन्न

तीन दिने आधारभुत पत्रकारिता तालिम सम्पन्न

मुद्दा जिताइदिन्छु भन्दै १ करोड २८ लाख रुपैयाँ लिएर ठगी गरेको आरोपमा एक जना पक्राउ

इँटा उद्योगमा काम गर्न ल्याइएका ४४ मजदुर अलपत्र

जनकपुर चुरोट कारखानालाई नीजिकरण गरिए आन्दोलन हुन्छ : नेता विमलेन्द्र निधि