2024-11-25
Close
2024-11-25
अप्पन जनकपुर
जनकपुरधाम । महोत्तरी प्रहरीले एक पेसेवर डकैतलाई गोली हानेर समात्न सफल भएको छ । भारतीय सीमासँग जोडिएको तथा महोत्तरी र सर्लाहीको सीमामा पर्ने खैरनी भन्ने ठाउँबाट डकैत विजेन्द्र पासवान पक्राउ परेका हुन् ।
लुकीछिपी बसेको अवस्थामा पक्राउ गर्न प्रहरी जाँदा उनी भाग्न खोजेका थिए । सो क्रममा प्रहरीले एक राउण्ड गोली चलाएको छ ।
सर्लाहीको लालबन्दी नगरपालिका २ घर भएका पासवानको बायाँ खुट्टाको घुँडामुनी गोली लागेको छ । अहिले उनको उपचार प्रादेशिक अस्पताल जलेश्वरमा भइरहेको छ ।
महोत्तरीका प्रहरी प्रवक्ता डिएसपी सन्तुलाल जयसवालले आइतबार राति करिब ११ बजे पासवानलाई पक्राउ गरेको जानकारी दिए । उनले भने, ‘भाग्न खोज्दा गोली चलाउनुपर्यो । पासवानको उपचार जलेश्वर प्रादेशिक अस्पतालमा भइरुहेको छ । उनी खतरामुक्त छन् ।’
पासवानले बाराको २, महोत्तरीको २, सिरहा, सर्लाही र सिन्धुलीको १/१ स्थानमा डकैती गरेको डिएसपी जयसवालले जानकारी दिए । उनका अनुसार पासवान भारतको विभिन्न स्थानमा समेत डकैती गरेको अनुसन्धानबाट खुलेको छ ।
‘डकैती सम्बन्धी मुद्दा पासवानमाथि पहिलेदेखि दर्ता छ,’ उनले भने, ‘थप अनुसन्धान गरिरहेका छौँ ।
