2024-11-24
Close
2024-11-24
विपिन यादव
जनकपुरधाम । वि.पि.स्मृती बहुप्राबिधिक शिक्षालय लक्ष्मीनिया-४ सपहीको आयोजनमा बुधबार कलेजको प्राङ्गणमा रक्तदान कार्यक्रम सम्पन्न भएको छ । गोविन्द पौडेलको अध्यक्षतामा सम्पन्न रक्तदान कार्यक्रममा ८५ जनाले रक्तदान गरेका रक्तसंचार केन्द्र जनकपुरका प्रमुखले बताए ।
डा. बिनोद कुमार यादवले रक्तदान गरी उद्घाटन गरेको रक्तदान कार्यक्रममा डा. बिनोद कुमार यादव बिभागिय प्रमुख (पशु बिज्ञान), सरोज मडल, बिभागिय प्रमुख (वाली बिज्ञान), ई अभिषेक सिंह बिभागिय प्रमुख (बिधुत), डा अमर कुमार महतो, सन्तोष यादव लगायतकाले रक्तदान गरेका थिए ।
कलेज प्राङ्गणमा आयोजित रक्तदान कार्यक्रममा समाजसेवी, किसान, शिक्षक, बिद्यार्थी लगायतका उपस्थिती रहेको थियो भने रक्त संचार केन्द्र जनकपुरका प्रमुख लगायतको प्राबिधिकहरुले सहयोग गरेको वि.पि.स्मृती बहुप्राबिधिक शिक्षालयका प्रमुख गोविन्द पौडेलले बताए ।
रक्तदान कार्यक्रमलाई सम्बोधन गर्दै यादवले धनुषामा रगतको अभाव भईरहेको बेला वि.पि.स्मृती बहुप्राबिधिक शिक्षालयले आयोजना गरेको रक्तदान कार्यक्रम महत्वपुर्ण साबित हुने बताए । पढाई संगै अतिरिक्त क्रियाकलापमा समेत वि.पि.स्मृती बहुप्राबिधिक शिक्षालय अबल रहेको चर्चा गर्दै अगामी दिनहरु पनि यस कलेजले समाजको हक हितको लागि यस्तै रचनात्मक क्रियाकलाप गर्दै जाने आशा व्यक्त गर्नुभयो । यस्तो समाजिक गतिबिधीले बिद्यार्थीहरुमा नैतिकवान चरित्र संगै असल समाज निर्माणमा टेवा पुग्ने विश्वास व्यक्त गर्नुभयो । 
