2024-11-24
Close
2024-11-24
जनकपुरधाम । राजर्षि जनक विश्वविद्यालयमा हुन गइरहेको स्वतन्त्र विद्यार्थी युनियनको पहिलो ऐतिहासिक निर्वाचनमा ६ विद्यार्थी संगठनहरु छुट्टाछुटै प्रतिस्पर्धामा छन् ।
साउन १७ गते बिहीबार हुनलागेको सो निर्वाचनमा सभापति पदका प्रतिस्पर्धीमध्येका एक हुन्, शशिकान्त मण्डल । विद्यार्थी जनमत संघबाट स्ववियू सभापति पदका उम्मेदवार मण्डल विश्वविद्यालयको स्थापनाकाल देखिनै आवद्ध छन् ।
कूल ४७५ विद्यार्थी मतदाता रहेको यस विश्वविद्यालयमा ६ विद्यार्थी संगठनहरु छुट्टाछुटै प्रतिस्पर्धामा देखिएका छन् ।विश्वविद्यालयको स्थापनाकाल देखिनै विभिन्न सुधारात्मक काममा लागेका मण्डल सुरुदेखिनै अब्बल रुपमा प्रस्तुत हुँदै आइरहेका छन् ।
विश्वविद्यालयमा अन्य संगठन भन्दा विद्यार्थी जनमत संघको बलियो उपस्थिति रहेकाले आफ्नो जीत सुनिश्चित रहेको मण्डलको दावी छ ।
मतदानमा नेविसंघबाट त्रिलोक यादव, लोकतान्त्रिक विद्यार्थी संघबाट प्रवेश यादव, अखिल नेपाल राष्ट्रिय स्वतन्त्र विद्यार्थी युनियनबाट रविकुमार साह, संयुक्त विद्यार्थी प्यानलबाट श्याम साह र अखिल नेपाल विद्यार्थी युनियन (समाजवादी)बाट प्रवास कौशिक (धिताल) नेतृत्वको प्यानल प्रतिस्पर्धामा छन् ।
के–के गरे शशिकान्तले??
राजर्षि जनक विश्वविद्यालयमा स्थापनाकालदेखि आवद्ध शशिकान्त विश्वविद्यालयको शैक्षिक सुधारका लागि निरन्तर रूपले अगाडि बढदै आइरहेका छन् । उनले विश्वविद्यालयको सुधारको सवालमा आफ्नो बुलन्द आवाज उठाउँदा दुईपटक जेलसमेत गए ।
विश्वविद्यालयम उपकुलपति नरहेका बेला विद्यार्थीको शैक्षिक अवस्था धारासायी बनेको थियो । सोही अवस्थालाई दृष्टिगत गर्दै शशिकान्त काठमाडौं गई विश्वविद्यालयको शैक्षिक सुधारका लागि संघिय शिक्षामन्त्रीसँग वार्तालाप गरी समस्याको समाधान गरेका थिए ।
राजर्षि जनक विश्वविद्यालयको शैक्षिक सुधारको सवालमा शशिकान्तको नेतृत्वमा प्रदेशका सम्बन्धित निकाय तथा मुख्यमन्त्रीलाई ज्ञापन पत्र बुझाई सार्वजनिक यातायातमा ४५ प्रतिशत भाडादर कम गराउन सफल भए ।
कोरोनाकालमा विश्वविद्यालयमा विद्यार्थीको भौतिक उपस्थितीमा कक्षा सञ्चालनका लागि शशिकान्तले एक्लै आफ्नो पूर्णक्षमताको प्रयोग गरी अगाडि बढेका थिए ।
