2024-11-23
Close
2024-11-23
जनकपुरधाम । यही भदौ २९ गते हुन लागेको जनकपुरधाम उद्योग वाणिज्य संघको निर्वाचनमा सुधिर पंजियारले महासचिव पदमा उम्मेदवारी दर्ता गराएसँगै चर्चामा रहेका छन् ।
माँ वैषणबी आयल स्टोरर्स पेट्रोल पम्पका सञ्चालक पंजियारले संघको निर्वाचनमा महासचिव पदका लागि उम्मेदवारी दर्ता गराएर मैदानमा उत्रेका हुन् ।
विभिन्न राजनीतिक खिचातानिले निम्त्याएको असहज परिस्थितिमा हुन लागेको संघको निर्वाचन र निर्वाचनबाट आउने आगामी नेतृत्वको काँधमा यस क्षेत्रको अर्थतन्त्र र समग्र आर्थिक क्रियाकलापलाई सामान्य र नियमित बनाउने महत्वपुर्ण जिम्मेवारी आउने उम्मेदवार पंजियार बताउँछन् ।
सुस्ताएको अर्थतन्त्रलाई सामान्य बनाउँदै मुलधारमा फर्काउनु आगामी नेतृत्वको प्रमुख कार्यभार भएको र त्यसका लागि स्थानीय तथा प्रदेश सरकारसँग समेत सहकार्य र सरकारलाई आवश्यक दबाव दिन निजी क्षेत्र तयार हुनुपर्ने पंजियारले बताए ।
यही भदौ २९ गते जनकपुरधाममा संघको आगामी नेतृत्वका लागी निर्वाचन हुँदैछ । निर्वाचनको समय नजिँकिदै जाँदा सबै उम्मेदवारहरुले आफू र आफ्नो प्यानलको प्रचारप्रसारलाई तीव्र बनाएका छन् ।
