2024-11-23
Close
2024-11-23
जनकपुरधाम । मधेश स्वास्थ्य विज्ञान प्रतिष्ठानको नयाँ निर्देशकमा डा. जामुन सिँहलाई चयन गरिएको छ ।
जनकपुरधाम प्रादेशिक अस्पतालमा कार्यरत रहेका बालरोग विशेषज्ञ डा. जामुन सिँहलाई मधेश प्रदेशको स्वास्थ्य तथा जनसँख्या मन्त्रालयले नयाँ निर्देशकको रुपमा चयन गरेको हो ।
अस्पतालमा चुलिएको राजनीतिक भारले थिचोलिएको अस्पतालको प्रशासनीक सेवा सुधारको लागि डा. सिँहको नियुक्तिलाई आसाको रुपमा देखिएको छ ।
यसअघि निर्देशक रहँदै आएका डा. रामनरेश पण्डितले समन्वय नगर्ने, पदीय अहँकार प्रदर्शन गरेको कारण चिकित्सकहरु समेत असन्तुष्टि जनाउँदै आएको थियो ।
प्रादेशिक अस्पतालको निर्देशक पदमा कायम रहेकै बेला डा. पण्डितलाई संघीय मन्त्रालयले काठमाडौंमा तानेको थियो । तर, उनले काज सरुवाको बहानामा जनकपुर अस्पतालकै निर्देशकमा पुनः कायम हुन राजनीतिक दबाव बनाइरहेको बेला डा. सिंह नयाँ निर्देशक नियुक्त भएका हुन् ।
