2024-11-21
Close
2024-11-21
जनकपुरधाम । धनुषाको शहिदनगर नगरपालिकाले शुभकामना अदानप्रदान कार्यक्रम सम्पन्न गरेको छ । वडादशैंसँगै शुभ दीपावली, तिहार तथा छठ पर्वको अवसरमा शहिदनगर नगरपालिकाले मंगलबार शुभकामना आदानप्रदान कार्यक्रम सम्पन्न गरेको हाे ।
शहिदनगर नगरपालिका मेरो मात्रै होइन सबैको साझा सम्पत्ति हो आजको कार्यक्रममा मैले सबै राजनीतिक दलको प्रतिनिधिलाई बोलाएको थियो अरु आउनुभयो केही आउनुभएन कार्यक्रमलाई सम्बोधन गर्दै नगर प्रमुख दिनेश प्रसाद यादवले भने आज धेरै बोल्दिन दीपावलीको समय छ माता लक्ष्मीले सबै नगरबासीलाई धनधान्य गरुन् सबैको उन्नति प्रगति होस् ।
नगर प्रमुख दिनेश प्रसाद यादवको अध्यक्षता र पूर्व सांसद शिवधारी यादव प्रमुख आतिथ्यमा आयोजित कार्यक्रममा वडाअध्यक्ष मनोज कुमार दास, वडाअध्यक्ष तेजिलाल यादव, वडाअध्यक्ष तनुकलाल कुसैयत, वडाअध्यक्ष सतेन्द्र चोरवार एमालेका नेता जयप्रकाश सुनरैत, जनता इकाई मावि यदुकुहा प्रअ प्रदीप साह, ईलाका प्रहरी कार्यालय यदुकुहा इन्चार्ज ओम प्रकाश यादव, कार्यपालिका सदस्य, विद्यार्थीसहित हजारौंको सहभागिता रहेकाे थियाे ।
सोही कार्यक्रममा नगर भित्रका विद्यालयका विद्यार्थीद्वारा नृत्य प्रतियोगिताको समेत आयाेजना गरिएको थियो । स्वागत मन्तव्य शिक्षा शाखाका विश्वनाथ यादवले राखेका थिए । कार्यक्रम शहिदनगर नगरपालिका वार्ड नं. ३ यदुकुहास्थित श्री जनता इकाई माध्यमिक विधालयको प्राङ्गणमा सम्पन्न भएको हाे ।
