2024-11-28
Close
2024-11-28
वीरगन्ज १३ बिहिबार
जिल्ला प्रहरी कार्यालय पर्साले खरिद बिक्री बिल नरहेको सुन सहित एकजनालाई पक्राउ गरेको छ।प्रहरीले सुन सहित वीरगन्ज महानगरपालिका वडा १५ भेडिहायीका बर्ष २८ को जयप्रकाश सोनारलाई नियन्त्रणमा लिएको हो। अवैधरुपमा सुन चोरी पैठारी भईरहेको सूचनाको आधारमा वीरगन्ज ८ लिंक रोड स्थित रहेको सानिमा बैकको अगाडी सडकखण्डमा जिल्ला प्रहरी कार्यालय पर्साबाट खटिएको प्रहरी टोलीले स्कास्पद रुपमा आउदै गरेको ना६२ प २७०५ नम्बरको fz मोटरसाइकल रोकी सवार रहेका सोनारको शरिरलाई खान तलासी गर्दा सुन जस्तो देखिने पहिलो धातु १०७ ग्राम८९ मिलीग्राम सहित एकजनालाई पक्राउ गरेको हो।
पक्राउ परेका करिब बजारको मूल्य १३ लाख ८८ हजार ४ सय ३६ रुपैया बराबरको सुन प्रयोग भएको मोटरसाइकल र एक लाख रुपैया नगद सहित पक्राउ गरि सोनारलाई थप अनुसन्धानको लागि वीरगन्ज भन्सार कार्यालयमा बुझाएको प्रहरीले जनाएको हो।
