वीरगञ्ज । मानव सेवा आश्रममा रहेका आश्रितहरूको लागि आवश्यक पर्ने मनोसामाजिक रोगको औषधि तथा फलफूल हस्तान्तरण गरिएको छ ।

आश्रममा रहेकाहरूलाई आवश्यक पर्ने औषधीहरू जिल्ला प्रहरी कार्यालय लगायतका प्रहरी एकाइहरूले सहयोग स्वरूप उपलब्ध गराएको आश्रमका संयोजक देवेश गुप्ताले जानकारी दिए ।

औषधी हस्तान्तरण कार्यक्रममा बोल्दै जिल्ला प्रहरी कार्यालय पर्साका प्रवक्ता, प्रहरी नायव उपरीक्षक (डिएसपी) किशोर लम्सालले मानव सेवा आश्रमलाई जिल्ला प्रहरी कार्यालय र व्यक्तिगत तर्फबाट सधैँ साथ र सहयोग गर्ने प्रतिबद्धता व्यक्त गरे ।

त्यस्तै डिएसपी लम्सालले कार्यक्रमको योजना बनाउने वडा प्रहरी कार्यालय बिर्ताका प्रमुख, प्रहरी निरीक्षक (इन्स्पेक्टर) निरोज चौलागाईप्रति उनले विशेष आभार प्रकट गरे ।

कार्यक्रममा वडा प्रहरी कार्यालय श्रीपुरका प्रमुख, प्रहरी निरीक्षक (इन्स्पेक्टर) श्याम कुमार बस्नेत, जिल्ला ट्राफिक कार्यालय पर्साका प्रमुख, प्रहरी निरीक्षक (इन्स्पेक्टर) लोक राज भट्ट, आश्रमका अभिभावक प्रकाश थारु, तथा समाजसेवीहरू ओम कुमार झा, साजन शाह कानु, पीयूष गुप्ता, पवन गुप्ता, प्रद्युम्न सर्राफ, सन्दीप यादवलगायतको उपस्थिति रहेको थियो ।

सम्बन्धित

नेपाल आयल निगमको नायब कार्यकारी निर्देशक गोईतलाई सर्वोत्कृष्ट कर्मचारी सम्मान

रास्वपा बहुदरमाई नगर कमिटीद्वारा प्रजिअ लाई ३ बुंदे माग सहित ज्ञापन बुझाए

युवाको भूमिका, युवा शक्ति र भविष्यको बारेमा गहन छलफल

सात महिनाको विश्लेषण गरी सात वर्षको बेथिति ढाकछोप गर्न मिल्दैन : सांसद संजय यादव

प्रक्रिया मिचेर कृषि विकास बैंकले जग्गा लिलाम गरेको भन्दै छानबिन गर्न प्रदेश सांसद राजकुमार गुप्ताको माग

वीरगंज यातायात कार्यालयमा खुलेआम लाइसेन्स खरिद-बिक्री, कम्प्युटर अधिकृत हकको अटेरी

वैदेशिक रोजगारीमा जानेलाई शोषणरहित बनाउन धनुषा प्रहरीको अन्तरक्रिया

चिसो रात र भोको पेट लिएर पुलमुनि बसिरहेका मुसहर समुदाय