2025-03-12
Close
2025-03-12
अप्पन जनकपुर
जनकपुरधाम । १५ दिने ऐतिहासिक मिथिला मध्यमा परिक्रमा जनकपुरधाम आउने अवसरमा प्रशासनले तीन दिनसम्म माँस/मदिरा सेवन तथा खरिद विक्रीमा प्रतिबन्ध लगाएको छ ।
धनुषाका प्रमुख जिल्ला अधिकारी रामुराज कडरीयाले एक सूचना जारी गर्दै फाल्गुन २८ गते राति १२ बजेदेखि चैत १ गते मध्यान्हसम्म माँस÷मदिराको सेवन तथा खरिद विक्रीमा प्रतिबन्ध लगाएका हुन् ।
मिथिला बिहारीजी र किशोरीजीको डोलासहित मिथिला मध्यमा परिक्रमा फाल्गुन २९ गते जनकपुरधाम प्रवेश गर्नेछ । त्यसको विहानपल्ट नगर परिक्रमा गर्ने चलन छ ।
परिक्रमा र सोको वरिपरि क्षेत्रभित्र माँस/मदिरा विक्री वितरण र सेवन गर्न/गराउन निषेध गरिएको भन्दै सोको पूर्ण परिपालना गर्न प्रजिअ कडरीयाले नगरबासीसँग अपिल गरेका छन् ।
यस्तै होलीको दिन नशालु पदार्थको सेवन गरी हो–हल्ला गर्ने, बाटोमा हिड्ने महिलालाई अभद्र व्यवहार गर्ने जस्ता क्रियाकलाप नगर्न पनि चेतावनी दिइएको छ ।
