काठमाडौं । भारतमा जारी इन्डियन प्रिमियर लिग आईपीएल क्रिकेटमा गुजरात टाइटन्सले लगातार तेस्रो जित निकालेको छ । आइतबार भएको खेलमा सनराइजर्स हैदराबादलाई ७ विकेटले हराउँदै गुजरातले जितको लयलाई निरन्तरता दिएको हो ।

हैदराबादलाई लगातार चौथो हार थमाउने क्रममा गुजरातले १५३ रनको लक्ष्य १६.४ ओभरमा ३ विकेटको क्षतिमा पूरा गर्‍यो । कप्तान शुभमन गिलले अविजित ६१ रनको पारी खेले भने वासिङटन सुन्दरले ४९ तथा शेरफन रदरफोर्डले अविजित ३५ रन बनाए ।

हैदराबादका लागि मोहम्मद शामीले २ तथा कप्तान प्याट कमिन्सले १ विकेट लिए ।

त्यसअघि टस हारेर पहिले ब्याटिङ गरेको हैदराबादले २० ओभरमा ८ विकेट गुमाएर १५२ रन बनाएको थियो । नितिश रेड्डीले सर्वाधिक ३१ तथा हेनरिच क्लासेनले २७ रन बनाए । कप्तान कमिन्स २२ रनमा अविजित रहे ।

गुजरातका मोहम्मद सिराजले ४ ओभरमा १७ रन दिएर ४ विकेट लिए । प्रसिद्ध कृष्णा र साइ किशोरले २-२ विकेट लिए ।

यस जितसँगै ४ खेलमा ६ अंक जोडेको गुजरात अंकतालिकामा दोस्रो स्थानमा उक्लिएको छ भने ५ खेलमा २ अंक मात्र जोडेको हैदराबाद १०औं स्थानमा यथावत् छ ।

सम्बन्धित

पूर्व सांसद प्रमोद साह माओवादीको केन्द्रीय सदस्यमा मनोनित

आईपीएल : हाई स्कोरिङ खेलमा मुम्बई इन्डियन्समाथि रोयल च्यालेन्जर्स बेंगलुरुको रोमाञ्चक जित

धनुषा : विदेह नगरपालिकाको ९ औं नगर सभा (हिउँदो अधिवेशन) सम्पन्न

सशस्त्र प्रहरीद्वारा वीरगञ्जमा ३५ लाखको अबैध कपडा नियन्त्रणमा, सेटिङ नमिल्दा भन्सार दाखिला

एनएमसी कलेज र कर्मचारी संचय कोषका बीच सम्झौता

जनकपुर प्रादेशिक अस्पतालका बेडहरूमा हुँदैन तन्ना, नाङ्गो बेडमै बिरामी सुत्न बाध्य (फोटोफिचर)

धनौजीमा गाउँपालिकामा पुनः स्थापना भयो प्रहरी चौकी

प्रदेश मन्त्री जयसवालको पहलमा लमरिया निर्माण हुन लागेको सडक तथा नालाको शिलान्यास