उमेश यादव | काठमाडाैं

• २०७६ श्रावण २८ मंगलबार
  स्थायी बसोवास सर्लाही भएका राष्ट्रिय जनता पार्टीका नेता तथा पूर्वमन्त्री राजेन्द्र महतो प्रायः आफ्नो परम्परागत पोसाक धोती र कुर्तामा भेटिन्छन् । यसमा आफ्नो पहिचान झल्किने बताउने उनी औपचारिक/अनौपचारिक कार्यक्रममा त्यही पोसाकमा पुग्छन् । जाडोका केही महिनाबाहेक वर्षैभरि धोती–कुर्ता लगाउने गरेका महतोसँग गरिएको पहिरन संवाद :

धोती नै मेरो पहिचान
यो पोसाक लगाउँदा गर्व लाग्छ । किनकि, धोती–कुर्ता लगाउँदा आफ्नो पहिचान झल्किन्छ । भेषभुषा र संस्कृतिको संरक्षण हुनुपर्छ । म हरेक कार्यक्रममा यही पहिरनमा जान्छु । भीडमा मेरो पहिरन अलग्गै देखिन्छ । यात्रामा पनि म धोती–कुर्तामै हुन्छु । पहाडमा ब्राह्मणहरूले पूजापाठ गर्दा धोती लगाउँछन् । तर, मधेसको त यो विशेष पोसाक नै हो । थारू समुदायले पनि यही लगाउँछन् ।

खादीको धोती दिल्लीबाट ल्याउँछु
मैले लगाउने धोती ‘खादी’ कपडाको हो, जुन हातबाट बुनिन्छ । भारतका सबै प्रान्तका ग्रामीण उद्योगमा यस किसिमका कपडा बन्छन् । मचाहिँ दिल्ली गएका वेला ल्याउँछु । कहिलेकाहीँ दिल्ली पुगेका साथीहरूबाट पनि मगाउँछु । कहिलेकाहीँ कपडा ल्याएर नेपालमा सिलाउँछु ।

धोती लगाउने बानी परिसक्यो

अधिकांशले धोती लगाउन साह्रै झन्झट हुन्छ भन्छन् । मलाई भने लगाउन सहजै लाग्छ र निकै हलुका पनि हुन्छ । अब त बानी नै परिसक्यो । जाडो महिनामा अलि कम लगाउँछु । गर्मीमा भने सधैँ धोती–कुर्तामै हुन्छु । मसँग ८–१० जोर धोती–कुर्ता छन् । यसका साथमा ‘जवाहरकोट’ मेरो रोजाइमा हुन्छ ।

मैले लगाउने धोती ‘खादी’ कपडाको हो, जुन हातबाट बुनिन्छ । भारतका सबै प्रान्तका ग्रामीण उद्योगमा यस किसिमका कपडा बन्छन् । मचाहिँ दिल्ली गएका वेला ल्याउँछु ।

दोहोर्‍याएर लगाउन आइरन अनिवार्य
मेरो छिमेकमै ड्राइक्लिनर्स छ । धोती–कुर्ता त्यहीँ धुन दिन्छु । धुँदा अनिवार्य नीर हालिन्छ अनि सुकेपछि अनिवार्य आइरन गर्नुपर्छ । मुलायम हुने भएकाले धुन सहज छ । फैलाएर सुकाउँदा भने अलि बढी ‘स्पेस’ चाहिन्छ । धोतीमा पाइन्टमा जस्तो आइरन टिकिरहँदैन ।

धेरै महँगो छैन
धोती–कुर्ता धेरै महँगो होला भन्ने लाग्छ, तर होइन । एक सेटको बढीमा तीन हजार रुपैयाँसम्म पर्छ । सायद एक जोर पाइन्ट–सर्टकै दाम हो । मूल्यभन्दा पनि यसको व्यवस्थापन अलि जटिल छ ।

कमैले लगाउँछन्
नेपालमा धोती भन्नेबित्तिकै मधेसी र भारतीयको पोसाक भन्ने बुझिन्छ । तर, यो वस्त्रको नाम हो । यो एउटा समुदायको पहिचान झल्किने पोसाक हो । कार्यक्रमहरूमा कमैले धोती लगाएको देखेको छु । धोती लगाउँदैमा सानो भइन्छ जस्तो मान्ने पनि भेट्ने गरेको छु ।

पहाडमा लगाएर हिँड्न असहज
धोती पहाडी भेगमा लगाएको देखिँदैन । किनकि, पहाडमा धोती लगाएर हिँड्न अलि गाह्रो छ । उकाली–ओराली गर्दा धोतीमा अल्झिन सकिन्छ । पहाडमा जाडो हुने भएकाले पनि धोती उपयुक्तनहुन सक्छ ।

सम्बन्धित

सशस्त्र प्रहरी पर्साद्वारा भन्सार छलि गरि भित्राएको करिब १२ लाखको लत्ताकपडा,काजु र खजुर बरामद

कमला आरती तथा गंगा कमला संवाद कार्यक्रम सम्पन्न

भोली सोमबारदेखि जनकपुरधामको सबै नीजि विद्यालय अनिश्चितकालिन बन्दको घोषणा

कप्तान पुजा महतोसहित तीन खेलाडीलाई मधेश सरकारले नगदसहित सम्मान गर्ने

कमला नदीमा देवता मेला, स्नान गर्नेको घुइँचो [फोटो फिचर]

रौतहट : १४ वर्ष बित्दा पनि पुल नबनेपछि वैकल्पिक बाटो निर्माण

धनुषा र सिरहा जोड्ने कमला नदीको व्यथा : बाँसको खम्बा र प्लाइउड सहारा

प्रभु बैंकका सीईओ अशोक शेरचन गम्भिर आर्थिक अपराधमा संलग्न !