2024-11-22
Close
2024-11-22
जनकपुर भदौ १ गते । जनकपुर अंचल अस्पतालको लापरवाहीले फेरी एक युवकको अकालमै ज्यान गएको छ । महोत्तरीको पिपरा गाउँपालिका बनौली बस्ने छविकान्तका २१ वर्षीय छोरा कुन्दन झाको ज्यान गएको हो ।
शनिवार समान्य जोरो र पेट दुखेपछि जनकपुर अंचल अस्पतालमा भर्ना भएका युवक कुन्दनको अस्पतालकै चरम लापरवाहीले आईतवार विहान ५ बजे ज्यान गएको परिवारजनले जनाएको छ ।
कुन्दनका भिनाजु भर्ना भएको बेला अकास्मिक कक्षका चिकित्सकले समयमा चेकजाँच तथा उपचार नगरेको र पछि डिउटीमा रहेका ल्याबको कर्मचारी र डा.आनन्दकुमार झाको लापरवाहीले कुन्दनको ज्यान गएको हो ।
मृतक कुन्दनका भिनाजु आसुतोषका अनुसार विहान पौने ५ बजे डा. आनन्दकुमार झाले बिरामीको अवस्था सिक्ति भएको र आईसियुमा भर्ना गर्नुपर्ने भन्दै बाहिरको निजी हस्पिटलमा लग्न परिवारजनलाई सल्लाह दिएका थिए । जनकपुर अंचल अस्पतालमै रहको आईसियुमा परिवारजनले भर्ना गरिदिन गुहार गर्दा डा. झाले यहाँ आईसियु खाली नरहेको भन्दै बाहिरै लग्न भनेका थिए । तर त्यति बेला अंचल अस्पतालको आईसियुको तीनवटा बेड खालिरहेको थियो ।
एम्बुलेन्सको जोरजाम गर्दैगर्दा कुन्दनको विहान ५ बजे ज्यान गएको भिनाजु आसुतोशको भनाई छ । अंचल अस्पतालमा आईसियु खाली हुँदाहूँदै समेत डाक्टरले उपचार राम्ररी नगरेको र झुटो बोलेर बिरामीलाई सिरियस अवस्थामा बाहिर रेफर गर्न खोज्दा मृत्यु भएको भिनाजु आसुतोषले गुनासो गर्नुभयो ।
‘ल्याबका कर्मचारी कहाँ पटक पटक दौडधुप गर्दा चारघण्टापछि रगत, पिसाव जाँचको रिपोर्ट दियो, डा.झाले हेरेपछि चिनीको मात्रा बढेकोले अवस्था गम्भीर भएको बताए । आईसियुमा भर्ना गर्नुपर्ने सल्लाह दिँदै बाहरि लग्न भने । त्यहाँ पनि आईसियु सेवा छ खाली थियो । तर डाक्टरले खाली छैन बाहिर लग्न सुझाए । जब एम्बुलेन्स खोजेर ल्याए । मेरो सालोको मृत्यु भयो’, भिनाजु आसुतोसल रुदैँ भन्नुभयो ।
उहाँले अस्पतालका चिकित्सक, ल्याबका कर्मचारीको चरम लापरवाहीले ज्यान गएको भन्दै घटनको छानविन गरी दोषीमाथि कार्वाहीगर्न माग गर्नुभयो ।
विरामीको अवस्था समान्य थियो, तर रिपोर्ट ढिलो आएर बचाउन सकिन : डा. झा
यता उपचारमा संलगन चिकित्सक डा. अनन्दकुमार झाले सुरुमा बिरामीको अवस्था समान्य भएपनि ल्याबको रिपोर्ट ढिलो आएको कारण बिरामीलाई बचाउन नसकेको स्वीकार गर्नुभयो ।
‘मैले सुरुमै विरामीलाई देखे समान्य ज्वरो थियो, अलि अलि पेट दुखेको थियो । मैले रगत पिसाव परीक्षण गराउन भने । रगत पिसावको रिपोर्ट ४ घण्टा ढिलो आयो । रिपोर्ट हेर्दा विरामीलाई सुगरले च्यापिसकेको थियो, रगतको पनि अभाव थियो’ डा.झाले भन्नुभयो ‘रिपोर्ट समयमै पाएको भए बिरामीलाई कन्ट्रोल गर्न सक्थे ।’
‘बिरामीलाई आईसियुमा राख्नुपर्ने अवस्था थियो । एकजना बिरबहादुर नामको स्टापलाई आईसियुको बेड खाली छकी छैन हेर्न पठाए । उनले आएर भने खाली छैन । अनि मैले बिारमीलाई बाहिर लग्न भने । त्यसको केहि बेरमै बिरामीको मृत्यु भयो । यसमा मेरो कुनै लापरवाही छैन । ’
उहाँले भन्नुभयो ।
सुरुमा बिरामीको अवस्था समान्य रहेकाले बाहिर रेफर नगरेको र रिपोर्ट आएपछि अवस्था बिग्रेको देखेपछि मात्र बाहिर लग्न सल्लाह दिएको डा.झाको भनाई छ ।
उपचारमा लापरवाही गर्नेलाई कावही गर्छु : मेसु यादव
यता घटनापछि अंचल अस्पतालका मेडिकल सुपरिटेन्डेन्ट डा.नागेन्द्र यादवले बाहिर आएको कुरा अनुसार उपचारमा संलग्न चिकित्सक र ल्याबका कर्मचारीमाथि छानविन गरी लापरवाही गरेको भए कार्वाही गर्ने बताउनुभयो । ‘मैले यो विषयमा चिकित्सकसंग कुरा गरे । डा. आनन्द झाले अर्को स्टापलाई आइसियुमा खाली छ की छैन हेर्न पठाएको थिए । मैले डा. झालाई आफै किन हेर्न जानु भएन प्रश्न गरेको छु, ल्याबको ढिलासुस्तीको पनि कुरा आएको छ । म यस विषयमा छानविन गरेर लापरबाही गर्नेलाई कार्वाही गर्छु । ’ मेसु यादवले भन्नुभयो ।
जनकपुर अंचल अस्पतालमा पटक पटक हुन्छ लापरबाही घटना
जनकपुर अंचल अस्पतालको लापरवाहीले पटक पटक अकालमै समान्य बिरामीको ज्यान जाने गरेको छ । यस अघि पनि कतिपय घटना चिकित्सकै लापरबाहीले भइसकेको छ । तर दोषीमाथि कार्वाही भएको छैन । त्यसकारण अंचल अस्पतालमा लापरवाही गर्ने चिकित्सक, नर्स र ल्याबाका कर्मचारीको मनोपोली बढ्दै गएको छ ।
भर्ना गर्दा समयमा बिरामीको उपचार नगर्ने, चेकजाँच र रिपोर्ट दिन आलटाल गर्ने र डिउटीमा रहेका चिकित्सक तथा नर्सले कुनै मतलब नगर्ने र बिरामीको अवस्था गम्भीर भएपछि बाहिर रेफर गर्न भन्ने जस्ता प्रवृतिले जनकपुर अंचल अस्पतालमा पटक पटक ज्यान जाने गरेको उपचार गराउन आएका सर्वसाधारणहरुको गुनासो छ ।
