2024-11-21
Close
2024-11-21
जनकपुरधाम, भदौ २ ।संघीय सरकारका सत्ताधारी दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ ले प्रधानमन्त्री केपी शर्मा ओली सम्झदारी हिंडयो भने कसैले पनि वर्तमान सरकारलाई ५ वर्षसम्म हलाउन नसक्ने दाबी गरेका छन् ।
धनुषाको बरमझीयामा शहिद रामवृक्ष यादवको स्मृति दिवसको अवसरमा आयोजित कार्यक्रममा सहभागी आएका अध्यक्ष प्रचण्डले सोमवार संचारकर्मीहरुसंग कुरा गर्दै भने पहिला कानूनी जटिलताहरु थियो त्यसलाई चिर्दै सरकार अब विकासको गतिमा लागेकाले ५ वर्षसम्म सरकार टिक्छ, तर त्यसकास लागि प्रधानमन्त्री ओलीलाई एकीकृत पार्टीको सम्झदारीमा हिडनुपर्छ ।
पुर्वप्रधानमन्त्री समेत रहेका अध्यक्ष प्रचण्डले समृद्ध नेपाल र सुखी नेपालीको मुख्य उद्देश्यका साथ सरकार अघि बढिरहेको छ, त्यसका धेरै पुर्वाधार तयार भइसकेकोले अब सरकारले विकासको गतिलाई अझ तिव्रताका साथ अघि बढाउनुपर्ने आवश्यकता रहेको भने ।
सरकार र पार्टीप्रति आफूले दिएको अभिव्यक्तिलाई मिडियाले गलत ढंगबाट प्रचारबाजी गरेको भन्दै सफल सरकारका लागि पार्टी एकताको विकल्प रहेको छैन र हामीले पार्टी एकता पनि गरिसकेका छौं सरकार सफल हुनेमा कुनै दिविधा नराख्न उनले आग्रह गरे ।
अध्यक्ष प्रचण्ड संगै कार्यक्रममा सहभागी हुन आएका पार्टीका वरिष्ठ नेता माधवकुमार नेपालले पार्टी एकता गर्दा वरिष्ठ नेताहरु छुटेकाले उनीहरुलाई पनि समेटेर अगाडि बढ्नुपर्ने सुझाव दिदै वरियता क्रममा झलनाथ खनाल पार्टीको दोश्रो वरिष्ठ नेता हुन तर पार्टी एकताले उहाँलाई नसमेटेर अपमान गरेको दुखेसको पोखे ।
वरिष्ठ नेता नेपालले पार्टी एकता पछि गठन भएको विभिन्न विभागको निर्माणमा पार्टीका वरिष्ठ नेताहरुलाई अपमानति गर्ने प्रयास गरेको आरोप लगाउंदै पार्टी विधान र सरकार दुवै ठिक्क ढंगबाट चल्नुपर्ने बताए ।
