2024-11-24
Close
2024-11-24
जनकपुरधाम २१ कार्तिक ,तीनजना चढेर तिव्रगतिमा चलाएको मोटरसाइकल जनकपुरधाम उपमहानगरपालिका गेटको अगाडी दुर्घटनामा हुँदा तिनै जना गम्भिर घाइते भएका छन् ।
भानुचोकबाट शिवचोकतर्फ जाँदै गरेको बा.७५ प ६१८७ नम्बरको पल्सर मोटरसाइकल दुर्घटनामा परी जनकपुरधाम उपमहानगरपालिका-१६ कदमचोकका २२ वर्षीय फिर्दोस खान गम्भीर घाइते भएको प्रहरीले जनाएको छ।
त्यस्तै अन्य घाइते हुनेहरुमा जनकपुरधाम उपमहानगरपालिका-१४ रजौलका २१ बर्षिय कृण्णा कुमार यादव र जनकपुरधाम उपमहानगरपालिका-८ रामानन्दचोकका २१ बर्षिय नविन कुमार यादव रहेको जिल्ला प्रहरी कार्यालय धनुषाका प्रहरी नायव उपरिक्षक रामेश्वर कार्कीले बताए । घाइते यादवद्वयको प्रादेशिक अस्पताल जनकपुरमा उपचार भईरहेको छ ।
गम्भिर घाइते भएका खानको प्रादेशिक अस्पताल जनकपुरमा उपचार सम्भव नभएपछि थप उपचारका लागि विराटनगर रेफर गरिएको छ। प्रहरीका अनुसार तीव्र गतीमा कुदेको उक्त मोटरसाइकल अनियन्त्रित भई डिभाईडमा ठोकिएर दुर्घटना भएको थियो ।
