2024-11-24
Close
2024-11-24
रौतहट । पुर्व प्रधानमन्त्री तथा समाजवादी पार्टीका संघीय परिषद्का अध्यक्ष डा. बाबुराम भट्टराईले मंगलबार एक कार्यक्रममा भने बर्तमान सरकार नेपाल कम्युनिष्ट पार्टी होइनन् कमाउनिष्ट पार्टी सरकार हो भने बताएका छन् ।
गढीमाई नगरपालिकाको वडा नं.२ का लागि मंसिर १४ गते हुनलागे उपनिर्वाचनको चुनावी प्रचार प्रसारमा आएका पुर्व प्रधानमन्त्री तथा समाजवादी पार्टीका संघीय परिषद्का अध्यक्ष बाबुराम भट्टराईले भने सर्वसाधारण जनता तथा गरिब जनतालाई शोषित गरिरहेको र भ्रष्टाचारमा लिप्त रहेको बर्तमान नेपाल कम्युनिष्ट पार्टी कम्युनिष्ट पार्टी होइनन् कमाउनिष्ट पार्टी हो भने बताएका छन् ।
पुर्व प्रधानमन्त्री डाक्टर भट्टराईले भने कम्युनिष्ट पार्टीलाई म जनताको हक अधिकार सुनिश्चित गर्नका लागी बनाएको थियो तर यो कम्युनिष्ट पार्टीले जनतालाई बिकास होइनन् बिनास तथा आफू कसरी कमाउने बाटो मात्र रोजिरहेको कारण म कम्युनिष्ट पार्टी छाडेको बताए ।
उनले भने एमाले तथा माओवादी मिलेर बनेको नेपाल कम्युनिष्ट पार्टीले नेपालमा रहेको मधेसी जनजाति मिस्लिम तथा आदिवासीहरुलाई पछाडि पारी मात्र पहाडी मिलुकलाई समृद्धि तर्फ लगिन खोजेकोमा मलाई मन नपरेको कारण मैले समाजवादी पार्टी रोजेको भने बताए ।
समाजवादी पार्टीले सबैको हक अधिकार सुनिस्चित गर्ने नै छ तथा यो पार्टी समाजमा रहेको बिभेदलाइ खतम गरि समाजमा एक रुपता बिकास ल्याउने छ भने पुर्व प्रधानमन्त्री तथा समाजवादी पार्टीका संघीय परिषद्का अध्यक्ष बाबुराम भट्टराईले प्रतिवध्ता व्यक्त गरे ।
सो कार्यक्रमको क्रममा नेकपा र नेपाली काँग्रेसलाई जिताएर केही फाइदा नहुने भन्दैं आफना पार्टीका उम्मेदावर तथा अनाथ दिनेश दासलाई पंजाछापमा मतदान गर्न सबैमा उनले आग्रह समेत गरे ।
चुनावी रैलीमा समाजवादी पार्टीका संघिय परिषदका अध्यक्ष डाक्टर बाबुराम भट्टराई, राष्टिय सभा सदस्य रामपृत पासवान, जिल्ला इन्जार्च बृज किशोर यादव, सह इन्र्चाज विरेन्द्र राय यादव, गरुडा नगरपालिकाका मेयर इन्नु राय यादव, देवाही गोनाहीका मेयर तथा पार्टीका जिल्ला संयोजक धर्मेन्द्र प्रसाद पटेल, बौधिमाई नगरपालिकाका मेयर राजिव रंजन यादव, युवा नेता जयनाथ यादव, विन्देश्वर राय यादव लगायतको सहभागिता रहेको थियो ।
