विपिन कुमार यादव,जनकपुरधाम, ४ फाल्गुन । धनुषाको कमला नगरपालिकामा समाजवादी पार्टीले कार्यालय संचालनमा ल्याएको छ । विसु अभियान अन्तर्गत समाजवादी पार्टीले कार्यालयको स्थापना गरेको हो।

शनिवार कमला नगरपालिका वडा नं.४ सघारामा पार्टी कार्यालयको उद्घाटन विसु अभियानका धनुषा संयोजक तथा सोही क्षेत्रबाट निर्वाचित प्रतिनिधि सभा सदस्य उमाशंकर अरगरियाले गरे । नगर अध्यक्ष मनिक लाल मण्डलको अध्यक्षतामा भएको पार्टी कार्यालय उद्घाटनमा बोल्दै सांसद अरगरियाले संगठन चुस्त दुरुस्त बनाउनेमा जोड दिए ।

सांसद अरगरियाले आगामी निर्वाचनमा धनुषाको सबै क्षेत्र जित्नेगरि संगठन निर्माणमा जुटेको बताए । उनले जनताको काम इमानदारीताका साथ गरिदिन नगरका नेताहरुसंग आग्रह समेत गरे । उनले मधेसी जनताको हकअधिकारका लागी संविधान संशोधन गराउन संघर्ष समेत जारी रहेकाले पनि संगठन निर्माणमा बिशेष ध्यान दिन स्थानीय नेताहरु संग आग्रह गरे ।

यस्तै सोही कार्यक्रममा अन्य पार्टीका एक दर्जनभन्दा व्यक्तिले समाजवादी पार्टीमा प्रवेश गरेका छन । नेपाली कांग्रेस परित्याग गरि बनारसी कवारी सहित १० जना र नेकपा परित्याग गरि रामदेव महरा,राजगिर महरा , महिन्द्र महरा सहित ३० जनाले समाजवादी पार्टीमा प्रवेश गरे । नव प्रवेशीहरुलाई सांसद अरगरियाले स्वागत गरेका थिए ।

सम्बन्धित

जनकपुर अन्तर्राष्ट्रिय चलचित्र महोत्सव फागुन १६ गतेदेखि हुने

जनकपुर साहित्य महोत्सव माघ २४ देखि २६ गते सम्म

ट्राफिक प्रहरी कसैको दुस्मन होईन सहयात्री हो : उपत्यका ट्राफिक प्रमुख एसएसपी घिमिरे

युवा शक्तिलाई स्वदेशमा नै उद्यमी बनाउने वातावरण बनाउन जरुरी :- मुख्यमन्त्री सतिश सिंह

धनुषामा नक्कली डीएसपी बनेर ठगी गर्ने एकजना पक्राउ

वीरगन्जको होटलबाट वेश्याबृतीमा लगाउने साहु सहित ४ जनालाई पक्राउ

सगरमाथा विद्यार्थीको सर्वाङ्गीण विकासमा पनि अब्बल, सप्ताहव्यापी कार्यक्रम जारी

एसपी बोहराले पाए काठमाडौं प्रहरी परिसर प्रवक्ताको जिम्मेवारी