2024-12-21
Close
2024-12-21
जनकपुरधाम,२१फाल्गुन ।समाजवादी पार्टीको तर्फबाट धनुषाको जनकनन्दनी गाउंपालिका मेयर प्रत्यासी उम्मेदवार रहेका दिपिन देव यादवले पार्टी परित्याग नगर्ने स्पष्ट पारेका छन् ।
उनले आफ्नो फेसबुक ह्याक गरी ’पार्टी परित्याग गर्ने’ भन्ने गलत सन्देश लेखेपछि चिन्तित बनेको बताएका हुन् । उनले भने, ’म समाजवादी पार्टी छु । सधै रहनेछु ।’ पार्टीप्रति केहि आन्तरिक कारणले असन्तुष्ट रहेका उनले पार्टीमा ईमानदारी पूर्वक काम गर्नेको मुल्यांकन गर्न नेतृत्वसंग समेत आग्रह गरे ।
नेता यादव पार्टी परित्याग गर्ने हल्ला चलेपछि उनलाई सोमबार प्रतिनिधि सभा सदस्य, संघीय सांसद तथा विसु अभियानका धनुषा संयोजक उमाशंकर अरगरिया भेटघाट गर्न पुगेका थिए । सांसद अरगरियाले जनताको काम इमानदारीताका साथ गरिदिन नगरका नेताहरुसंग आग्रह समेत गरे । उनले मधेसी जनताको हकअधिकारका लागी संविधान संशोधन गराउन संघर्ष समेत जारी रहेकाले पनि संगठन निर्माणमा बिशेष ध्यान दिन समेत नेता यादवलाई ईमानदारीका साथ काम गर्ने कसैमाथि ’काखा पाखा’ नहुने प्रतिबद्धता जनाए ।
उनले असन्तुष्ट सबैको माग सम्बोधन गर्नकै लागि पार्टीले संगठन विस्तार तथा सुदृढिकरण (विसु) अभियान चलाएको बताएका छन् ।
