2024-11-24
Close
2024-11-24
विपिन कुमार यादव ,जनकपुरधाम,१९ जेठ । जनता समाजवादी पार्टीका प्रमुख सचेतक एवं धनुषा निर्वाचन क्षेत्र नं.२ बाट निर्वाचित प्रतिनिधि सभा सद्स्य उमाशंकर अरगरिया ले भोकभोकै ज्यान गुमाएका धनुषाका बिरेन्द्र यादवलाई सहिद घोषणा गर्न माग गरेका छन ।
कोरोना महामारीका कारण नेपाल सहित विश्व अक्रान्त रहेको अवस्थामा मिति २०७७ जेठ १४ गते बुधबारका दिन भारतबाट नेपाल आउन लागेका शहिदनगर नगरपालिका वडा नं. ९ का ३२ वर्षीय विरेन्द्र गुरमैता यादवको धनुषाको जटही नाकामा भाेकभाेकै मृत्यु भएकाे भन्दै १९ गते बसेको प्रतिनिधि सभा बैठक मार्फत नेता अरगरियाले नेपाल सरकारको ध्यानाकर्षण गराएका छन ।
उनले भने “धनुषाको जटही नाकामा भारतबाट आउने नेपालीहरुको उचित ब्यवस्थाप गर्न नसक्दा ज्यान गएको हुंदा घटनाको छानविन गरि दोषि माथि कारवाही गर्न मांग को साथ साथै मृतक लाई सहिद घोषणा गर्न माग गर्दछौं ।” साथै धनुषा जिल्लाको जटही नाका र खजूरी नाका अविलम्ब सुचारु गरेर सर्व साधारण जनतालाई आफ्नो जन्म स्थल (घरमा ) सकुशल आउनको लागि वातावरण सिर्जना गर्न समेत नेता अरगरियाले जोडदार माग गरेका छन । उनले मृतक प्रति हार्दिक श्रध्दाञ्जलि ब्यक्त गर्दै दुःखद घडिमा मृतक परिवारलाई धैर्य धारण गर्न माता जानकी संग प्राथना गरेका छन ।
