2024-11-23
Close
2024-11-23
जनकपुरधाम, निकै लोकप्रिय बनेको टिकटकले जनकपुरमा अश्लिलता बढाएको पाईएको छ । टिकटकरहरुले जानकी मन्दिर, बिबाहमण्डप, स्वर्ग द्वार तथा गंगा सागर मा अश्लिल भिडियो बनाएको भन्दै जिल्ला प्रशासन कार्यालय धनुषामा उजुरी परेको छ ।
जनकपुरधाम वडा नं ५ निवासी गणेश साहले प्रशासन कार्यालयमा उजुरी गरेका हुन ।
स्कुले वालबालिका तथा युवायुवत्तीहरुले अश्लिल भिडियो बनाउंदै आएको उजुरीमा उल्लेख छ ।
अन्तरास्ट्रीय रुपमा चर्चित मोबाईल एप तथा भिडियो सेयरिङ प्लेटफर्म टिकटकका प्रयोगकर्ता बढेसँगै यसको दुरूपयोग पनि बढेको पाइएको छ ।
यसको प्रयोगकर्ता जसले रमाइलो गर्ने र भाइरल हुने बहानामा जथाभाबी भिडियो बनाएर ‘अपलोड’ गर्दा व्यक्तिगत र संगठनात्मक गोपनीयता तथा धार्मिक स्थलमाथि प्रहार भइरहेको प्रहरीको ठहर छ । यसै बिषयलाई लिएर पश्चीमी देशले आफ्नो देशमा टिकटक बन्द नै गरेका छन भने छिमेकी देश भारतले पनि सुरक्षा कै कारण देखाई टिकटक बन्द गरेको छ ।
बैंकका कर्मचारी , नेपाल प्रहरी , नेपाली सेनाले ड्युटी यूनीफर्ममा नै भिडियो बनाई सार्वजनिक गर्ने गरेको पाईएको छ । आफुलाई चित्त नबुझेका व्यक्तिको अश्लील भिडियो अपलोड ,गाली गलौज गरिदिने प्रवृत्ति बढेको छ ।
ब्युरोका एसपी पशुपति रायका अनुसार साइबर अपराधमा टिकटकले अपराधिक घटनालाई बढ़ावा दिईरहेको छ।
सरकारले यस्ता एपको समयमानै कानून को दायरामा नराखें वा बन्द नगरे सुरक्षाकर्मी तथा प्रशासन कै टाउको दुखाईको बिषय नबन्ला भन्न सकिन्न ।
अभद्र व्यवहार गर्ने,रेकर्डेड कुरा बाहिर ल्याउने, चरित्र हत्या गर्ने, गोप्य कुराको खुलासा गरिदिने, टिकटक बनाउनकै लागि अनावश्यक उटपट्याङ गर्नेजस्ता गलत कार्य दिन प्रति दिन बढीरहेको छ ।’टिकटकबाटै मानसिक तनाब , हिंसा भइरहेको भन्दै प्रहरीकोमा उजुरी दिन पुग्ने महिला संख्या पनि बढेको छ ।
कोही यही टिकटक कै कारण आफु चर्चित तथा भाईरल हुने रहरले जोखिम लिएर भिडियो बनाएका छन भने केहिको त अनाबस्यक दुर्घटनामा परि मृत्यु समेत भएको छ र यस्तै घटना नेपालमा पनि बढ़ीरहेको छ ।
अबको समय सरकारले यस टिकटक बन्द गर्ने की यस्ता घटनालाई प्रश्रय दिने हो आगामी दिनले बताउने छ ।
