2024-12-21
Close
2024-12-21
अप्पन डेस्क,सिराहा,१२ फाल्गुन । सर्बोच्च अदालतले संसद पुर्नस्थापनाको आदेश दिएसंगै देशै भरि खुसिहाली छाएको छ । संसद विघटनलाई खारेज गरेर सर्वोच्च अदालतले संविधानको रक्षा गरेको सांसद प्रमोद यादवले प्रतिक्रिया दिएको छ ।
प्रदेश सभा सांसद तथा नेपाल कम्युनिष्ट पार्टी (नेकपा) सिरहाका सचिव प्रमोद यादवले सर्वोच्चको फैसलापछि प्रतिक्रिया दिँदै भनेका छन्, ‘न्याय मुर्तिहरुलाई हृदय देखि आभार ! संसद विघटन असंवैधानिक ठहर गर्दै सिंगो देश आन्दोलनमा थियो । फैसलाले विघटनसंगै अधिनायक आकांक्षालाई समेत बदर गरेको छ । संविधान रक्षा गर्दै जनताको जीत भएको छ ।’
संविधानको रक्षा, जनताको व्यापक चासो र अपेक्षाको दबाबमा सर्बोच्च अदालतले सहित निर्णय लिएको एकाथरीको विश्लेषण छ भने आफनो कुर्सी बचाउन प्रधानमन्त्री ओलीले कसै संग कुनै सल्लाह नगरि संसद विघटन गरेकाले प्रधानमन्त्री आज हारेको कतिपयको विश्लेषण छ ।
प्रधानमन्त्री रणनिति भन्दा पनि आक्रोसको झोँकमा निर्णय लिएकाले हारको सामना गर्न परेको जानकारहरु बताउछन् भने कतिपयले प्रधानमन्त्रीको एक्लो साहसको सराहना गरिरहेको छ । विश्लेषण अनेक भएपनि देशमा अदालत, कानुन र विधिको शासन छ भने कुरा आजको सर्बोच्च अदालतको निर्णयले सावित भएको छ ।
