2024-12-21
Close
2024-12-21
विपिन कुमार यादव,२५ चैत जनकपुरधाम : धनुषाको शहिदनगर नगरपालिका ८ विसरभोरा,नाथपट्टी टोलबाट आरसीसी सडक ढलान सुरु गरिएको छ ।
विगत लामो समयदेखि कैयौं नेताले उक्त सडक निर्माण गर्ने प्रतिवद्धता जनाएका थिए । तर कसैले सडक निर्माण गरिदिएन । जनता समाजवादी पार्टीका केन्द्रिय सदस्य समेत रहेका साँसद अरगरियाको पहलमा यो सडक निर्माण हुने लागेको छ ।
स्थानीय भुट्टि खातुनले खुशी व्यक्त गर्दै अप्पन जनकपुर ड्ट कम लाई बताउदै भने कि उक्त सडक धनुषा क्षेत्र नम्बर २ बाट निर्वाचित संघीय सांसद उमाशंकर अरगरियाले २०७७ भदौ २२ गते विधिवत एक कार्यक्रमबीच सडकको आरसीसी ढलान र नाला निर्माण कार्यको शिलान्यास गरेका थिए । विसरभोरा, नाथपट्टी, मंगराहा माची हुँदै भारतको महुवा बोर्डरसम्म पुग्ने यो सडक बन्ने भएपछि स्थानीयहरु खुःशी भएका छन् ।
उक्त सडकको आरसीसी ढलान निर्माणको ठेक्का कमल निर्माण सेवाले लिएका छन् । ठेकेदार कम्पनीलाई साँसद अरगरियाले तोकिएको समयभित्रै निर्माण सम्पन्न गर्न निर्देशन समेत दिएका छन् । निर्वाचन क्षेत्र रणनीति सडक निर्माण तथा संचालन मापदण्ड २०७५ अनुसार एक सांसद एक सडक निर्माण हुन लागेका छन् । मंगलबार संघीय सांसद अरगरियाको प्रतिनिधि टोलीले उक्त सडकको ढलान अनुगमनका क्रममा वडा नं.८ का वडा अध्यक्ष तनुक लाल कुसियैत, विनोद रोहिता, ई. पुरुषोत्तम यादव , बिन्दी लाल महतो, निशान्त यादव लगायतका टोलीले अनुगमन गरेका थिए ।
