2024-11-24
Close
2024-11-24
काठमाडौं । संस्कृति, पर्यटन तथा नागरिक उड्यन मन्त्रीमा नियुक्त भएका उमाशंकर अरगरिया सकृयतापूर्वक कामलाई अगाडि बढाएका छन् ।
मन्त्रीमा शपथ लिए लगत्तै आफ्नो गृहनगर जनकपुरधामस्थित जानकी मन्दिरलाई विश्व सम्पदा सूचीमा समावेश गराउन अध्ययन समिति गठन गरी काम शुरु गरेका उनले आफ्नो विभाग अन्तर्गतका निकायलाई चुस्त–दुरुस्त बनाउन लागिपरेका छन् ।
पछिल्लो पटक उनले पर्यटन क्षेत्रको विस्तार प्रवद्र्धनका लागि आवश्यक कार्ययोजना तयार गरी कार्यान्वयन गर्न पर्यटन विभागलाई निर्देशन दिएका छन् ।
मंगलबार काठमाडौंमा विभागको निरीक्षण गर्दै मन्त्री अरगरियाले पर्यटन क्षेत्र नेपालको आर्थिक बिकासका लागि महत्वपूर्ण क्षेत्र भएको भन्दै यसको व्यवस्थित र उचित बिकासका लागि विभागले बनाउने कार्ययोजनालाई सहयोग गर्ने प्रतिवद्धता पनि जनाए ।
उनले पर्यटनसम्बन्धी भौतिक पूर्वाधार निर्माणका काम समयमा नै कार्यान्वयनको चरणमा लैजान र समयमा नै गुणस्तरीय काम सम्पन्न गर्न र जिम्मेवारीपूर्वक काम गर्न विभागलाई निर्देशन दिए ।
पर्यटनका प्रमुख क्षेत्रहरु होटल, ट्राभल, ट्रकिङ क्षेत्रको स्थापनामा समन्वय र सहजीकरणका साथ नियमित अनुगमनमार्फत कानूनी दायरा कायम गर्न तथा पर्वतारोहण सम्बन्धी क्षेत्रमा नेपालको विशिष्ट स्थान बनाउने योजन सहित काम गर्न पनि उनले निर्देशन दिए ।
यसअघि नागरिक उड्डयन प्राधिकरणका प्रमुखसहित कर्मचारीसँगको अन्तरकृयामा बोल्दै मन्त्री अरगरियाले हवाई सेवामा सुधार ल्याउन निर्देशन दिए ।
हवाई सुधारको ठोस योजना ल्याउन हवाई सेवालाई व्यवस्थित नबनाइए हस्तक्षेप गर्ने उनले बताए ।
त्यसअघि मन्त्री अरगरिया विमानस्थलको स्थलगत अवलोकन गर्दै भएका सुधारको प्रशंसा गरेका थिए । विमानस्थललाई थप राम्रो बनाउन उनले निर्देशन समेत दिएका थिए ।
मन्त्री अरगरियाले आफू मन्त्री रहेसम्म आफ्ना निकायलाई राम्रो बनाउन कुनै कसर बाँकी नराख्ने बताएका छन् ।
