2024-11-24
Close
2024-11-24
प्रमुख समाचार
जनकपुरधाम, असार १५ । प्रदेश २ मा समेत धान दिवस विभिन्न कार्यक्रम गरि मनाइएको छ । धान उत्पदानमा बृद्वि गरि आयात बन्द गर्ने मुख्य उद्देश्यका साथ यस वर्ष धान दिवसको मुल नारा ‘ “धान उत्पादनमा वृद्वि, खाद्य सुरक्षा, आत्म निर्भरता र समृद्वि’ राखिएको छ । सो अवसरमा राष्ट्रिय धानवाली कार्यक्रम हर्दिनाथ बनिनियामा आयोजित कार्यक्रमलाई सम्बोधन गर्दै प्रदेश २ का भुमि व्यवस्था कृषि तथा सहकारी मन्त्री शैलेन्द्र प्रसाद साहले प्रदेश २ सरकारले यथा सिघ्र धानको न्युनतम मुल्य तोकेर किसानको धान किन्ने व्यवस्था गर्न लागेको बताए ।
उनले भने, ‘नेपाल कृषि प्रधान देश र त्यसमा पनि मुख्य बाली नै धानबाली भएपनि यस अघिका सरकारहरु कृषक लक्षित कार्यक्रमहरु गर्न नसकेकाले आयातिय चामल खानु परेको छ ।’ मन्त्री साहले एक्लै प्रदेश २ सरकारले मात्र नहुने भन्दै किसानका लागि मल ल्याउने र वितरण गर्ने अधिकार समेत प्रदेश सरकारसंग नरहेको प्रति दुःख व्यक्त गरेका छन् ।
कार्यक्रममा मन्त्रालयकी सचिव धान दिवसको समाचारमा मन्त्रालयकी सचिव डा. सम्झना कुमारी काफले पाण्डे प्रदेश २ सरकार प्रदेशको धान उत्पादनमा वृद्वि गर्न प्रदान गर्ने गरेको उपकरण सहितको सम्पुर्ण सेवा सुविधा र सहयोगको सदुपयोग उत्पादनकै लागि हुनुपर्ने बताइन् । प्रदेश सरकार क्षमता अनुसार गरेको छ तर प्रदान गरिने सेवा, सुविधा र उपकरणको प्रयोग किसानले कति सदुपयोग गर्न सक्यो वा सकेन त्यसमा पनि उत्पादनको मात्रा निर्भर हुने उनको तर्क छ । कार्यक्रममा सहकारी अभियानी ध्रुव नारायण यादव, किसानका अगुवाहरु, स्थानिय जनप्रतिनिधीहरु सहित विज्ञहरुले समेत धान उत्पादन, समस्या र चुनौती र समाधानका पहलुहरु कोटयाएका थिए ।
