जनकपुरधाम । धनुषाको हंसपुर नगरपालिकाका प्रमुख प्रशासकीय अधिकृत केशव कुमार अधिकारीले आफन्त र आसेपासेलाई नगरपालिकामा भर्ना गरेका छन् ।
नगरपालिकामा आएलगतै उनले आफन्त लक्ष्मण मण्डल र विनोद यादवलाई डेलिवेजमा भर्ना गरेका छन् । नगरपालिका बाहिरका यादवलाई भर्ना गरेर अधिकृत अधिकारीले कामै नगराई डेलिवेजमा तलब खुवाउदै आएको स्थानीयले आरोप लगाएका छन् ।
उच्च अदालत जनकपुरको आदेश टेकेर नगरपालिका छिरेका अधिकारीले प्रशासनिक कामभन्दा आफन्त भर्नालाई प्राथमिकतामा राखेका छन् । यसै साता मात्रै उनले चार जना नगर प्रहरीलाई हटाएर आफनो निकटका व्यक्तिहरुलाई काममा लगाएका छन् । सुजित साह, मुकेश राउत, सुभाष कापर र गोविन्द मण्डललाई नगर प्रहरीबाट हटाएका छन् । नगरपालिकाले गरेको विज्ञापन अनुसार प्रक्रिया पूरा गरेर चारै जना नगर प्रहरीमा भर्ना भएका थिए ।
कार्य सम्पादनमा कमजोर देखिएका उनी जनकपुरधाम उपमहानगरपालिका, मिथिला नगरपालिकामा काम गर्न असहज भएपछि हंसपुर आएका छन् । हंसपुरका मेयर रामज्ञान मण्डलले पनि उनलाई हाजिर गराउन अस्वीकार गरेपछि उनी अदालतको ढोका ढकढकाएका थिए । अदालतले उनको पक्षमा आदेश गरेपछि हंसपुर नपामा हाजिर भएका हुन् । नगरपालिका गएदेखि उनी मेयर मण्डलसित निहुँ खोज्दै आएका छन् ।
मेयरको अनुपस्थितिमा महत्वपूर्ण निर्णयहरु गराएपछि अधिकृत अधिकारी थप विवादित बनेका हुन् ।

सम्बन्धित

सशस्त्र प्रहरीद्धारा धनुषाको दुहबीमा लागु औषध दुर्व्यसन सम्बन्धी जनचेतनामूलक कार्यक्रम सम्पन्न

दुहबीमा अल्पसंख्यक समुदायसँग प्रहरी कार्यक्रम सम्पन्न

धनुषा : बोरामा बाँधेर फालिएको अवस्थामा एक किशोरीको शव फेला

सिडिओ कार्यालय महोत्तरीका नायब सुब्बा अशोक यादव घुससहित रँगेहात पक्राउ

कांग्रेस र एमाले प्रतिस्पर्धी पार्टी भएपनि यो समीकरण ०८४ को मंसिरसम्मै जान्छ : प्रधानमन्त्री ओली

सशस्त्र प्रहरी पर्साद्वारा भन्सार छलि गरि भित्राएको करिब १२ लाखको लत्ताकपडा,काजु र खजुर बरामद

कमला आरती तथा गंगा कमला संवाद कार्यक्रम सम्पन्न

भोली सोमबारदेखि जनकपुरधामको सबै नीजि विद्यालय अनिश्चितकालिन बन्दको घोषणा