2024-11-28
Close
2024-11-28
काठमाडौं । लोकतान्त्रिक समाजवादी पार्टी नेपालका नेतृत्वले विधि र प्रक्रिया मिचेको भन्दै नेता कार्यकर्ताहरुले बबरमहलस्थित केन्द्रीय कार्यालयमा धर्ना दिएका छन् ।
लोसपा अध्यक्ष महन्थ ठाकुरले प्रदेश नंं. २ को अध्यक्ष र जिल्लाहरुमा अध्यक्ष चयन गरेको निर्णयप्रति असन्तुष्टि जनाउँदै नेता कार्यकर्ता केन्द्रीय कार्यालयमा धर्ना दिएका हुन् ।
एउटै व्यक्तिलाई धेरै जिम्मेवारी दिएको तर अन्य सक्षम नेताहरुलाई जिम्मेवारीविहीन बनाएको आरोप लोसपा नेता एवं हिन्दी भाषा अभियानी रमन पाण्डेयले लगाएका छन् ।
सबभन्दा बढी असन्तुष्टि प्रदेश नं. २ का अध्यक्ष तोकिएका जीतेन्द्र सोनलमाथि नेता कार्यकर्ताहरुको रहेका छन् ।
सोनल केन्द्रीय कार्यकारिणी समिति सदस्य, प्रदेश २ को अध्यक्ष, संसदीय दलको नेता र पर्यवेक्षकसमेत बनाइएको छ ।
यस्तै, जिल्लाहरुमा पनि तोकिएका अध्यक्षहरुप्रति ती नेता कार्यकर्ताहरुको असन्तुष्टि रहेको छ ।
विधि र प्रक्रिया मिचेर प्रदेश र जिल्ला अध्यक्षहरु तोकिएको गुनासो नेता धीरेन्द्र सिंहले गरेका छन् ।
