2024-11-24
Close
2024-11-24
काठमाडौं । प्राविधिक प्रहरी वरिष्ठ उपरीक्षक (एसपी) बाट प्रहरी वरिष्ठ उपरीक्षक (एसएसपी)मा पदोन्नति भएका ई. राम कुमार चौधरी दर्ज्यानी चिन्हद्वारा सुशोभित भएका छन् ।
नेपाल सरकार गृह मन्त्रालय मन्त्रीस्तरको निर्णय अनुसार प्राविधिक प्रहरी वरिष्ठ उपरीक्षक पदमा हालै पदोन्नति भएका चौधरीलाई प्रहरी महानिरीक्षक शैलेश थापा क्षेत्रीले प्रहरी प्रधान कार्यालयमा सोमबार आयोजित एक कार्यक्रमबीच दर्ज्यानी चिन्ह सुशोभन गरेका हुन् ।
उक्त अवसरमा प्रहरी महानिरीक्षक थापा क्षेत्रीले पदोन्नति भएका एसएसपी चौधरीलाई बधाई दिँदै पदोन्नतिसँगै थपिएको जिम्मेवारी वहन गर्न क्रियाशिल हुनुपर्नेमा जोड दिए ।
कार्यक्रममा प्रहरी अतिरिक्त महानिरीक्षकहरु, प्रहरी नायव महानिरीक्षकहरु लगायत वरिष्ठ प्रहरी अधिकृतहरुको उपस्थिति रहेको थियो ।
