2024-11-25
Close
2024-11-25
जनकपुरधाम । प्रदेश नं. २ को नाम ‘मधेश’ प्रदेश तोकिएको खुशियालीमा प्रदेश सरकारले मंगलबार आज सार्वजनिक बिदा दिएको छ ।
सोमबार प्रदेशसभामा नाम र राजधानीका लागि भएको मतदानमा नाम ‘मधेश’ र राजधानी ‘जनकपुरधाम’ दुई तिहाइभन्दा बढी मतले पारित भएको थियो ।
मधेश प्रदेश सरकारका प्रवक्ता समेत रहेका अर्थमन्त्री शैलेन्द्र साहले एक सूचना जारी गरी प्रदेशको नाम र राजधानी टुंगो लागेको अवसरमा मंगलबार प्रदेशमा सार्वजनिक बिदा दिइएको जनाएका छन् ।
मधेश नामको पक्षमा ८० र जनकपुरधाम राजधानीको पक्षमा ७८ जना सांसदले मतदान गरेका थिए । प्रदेशसभामा अहिले जम्मा १०४ सांसदहरु रहेका छन्
