2024-11-24
Close
2024-11-24
अप्पन जनकपुर
श्याम गुप्ता
बिरगंज, ५ माघ । बिरगंज स्थित मधेश प्रदेशका मुख्यमन्त्री मोहम्मद लालबाबु राउत गद्दीको घरमा ढुङ्गा प्रहार भएको छ ।
बिरगंज महानगरपालिका वडा नं.१३ तेजारथ टोल स्थित मुख्यमन्त्री राउतको घरमा ढुङ्गा प्रहार भएको हो ।
प्रदेशको स्थायी राजधानी जनकपुर तोकिए पछि बिरगंजमा असन्तुष्टि चुलिएको छ । मुख्यमन्त्री राउतले बिरगंजलाई राजधानी बनाउँन भूमिका नखेलेको भन्दै कतिपयले असन्तुष्टि जनाउँदै आएका हुँन् ।
विभिन्न समूहले राजधानी तोकिनु अघि पनि बिरगंजलाई स्थायी राजधानी बनाउँनु पर्ने माँग राखेर बिरगंजमा प्रदर्शन गरेका थिए ।
बिरगंजलाई राजधानी बनाउँनु पर्ने माँग राखेर नेपाली काँग्रेस बिरगंज महानगर कमिटिले र्याली निकालेको थियो । सोही र्यालीमा सहभागी एक युवकले मुख्यमन्त्रीको घरमा ढुंगा प्रहार गरेको प्रहरीको आरोप छ । ढुंगाले लागेर मुख्यमन्त्री राउतको घरको शिशा फुटेको प्रहरीले जनाएको छ ।
मुख्यमन्त्रीको घरमा ढुंगा हानेको आरोपमा बिरगंज महानगरपालिका वडा नं.१ छपकैया बस्ने २६ वर्षिय सुमन पटेललाई पक्राउ गरिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओमप्रकाश खनालले बताए ।
पक्राउ परेका पटेल नेपाली काँग्रेसको र्यालीमा सहभागी भएको उनको दावी छ । उनी विरूद्ध आपराधिक उपद्रको मुद्दा दर्ता गर्ने तयारी रहेको प्रहरीको भनाई छ ।
