2024-11-24
Close
2024-11-24
जनकपुरधाम । जनमत पार्टीका कार्यकर्ताले सर्लाहीको हरिवन नगरपालिकाका मेयर र उपमेयर सवार गाडी तोडफोड गरेका छन् । राष्ट्रियसभा निर्वाचनमा मतदान गर्न जानेक्रममा जनकपुरमा गाडी तोडफोड गरिएको हो । सोक्रममा मेयर गणेश प्रसाई घाइते भएका छन् ।
बिहानैदेखि लाठीसहित प्रदर्शनमा उत्रिएका डा.सीके राउतका कार्यकर्ताहरूले प्रदेश-२-०३ ००९०५ ००२० नम्बरको सरकारी गाडी तोडफोड गरेका हुन् । गाडीको सिसामा लाठी प्रहार गर्दा मेयर गणेश प्रसाईलाई चोट लागेको छ । उपमेयर रेनुका पौडेल भने सकुशल छिन् ।
‘पहिले खाद देऊ, अनि भोट खसाऊ’ भन्दै जनकपुरका बिभिन्न स्थानमा जनमतका कार्यकर्ता विहानैदेखि प्रदर्शन गरिरहेका छन् । मतदानस्थलत छिर्न खोज्दा प्रहरी र प्रदर्शनकारीबीच झडपसमेत भएको छ ।
