2024-11-27
Close
2024-11-27
अप्पन जनकपुर
अजय मिश्र, कपिलवस्तु । कृष्णनगर नगरपालिकाकाे आफ्नै भवन निर्माण सम्पन्न भएपछि आज उद्घाटन गरिएकाे छ । कपिलवस्तु प्रतिनिधि सभा ३ का सांसद अभिषेक प्रताप शाहले चार बर्ष पहिला कृष्णनगर नगरपालिकाकाे भवन शिलान्यास गरेका थियाे । आफैले शिलान्यास गरेकाे चार तल्ले नवनिर्मित प्रशासनिक भवनकाे उद्घाटन गर्न पाउँदा खुशी भएको भन्दै नगरप्रमुख रजत प्रताप शाहलाई धन्यवाद दिदै प्रमुख अतिथिसमेत रहेका सांसद शाहले रिवन काटेर भवनको उद्घाटन गरेका थिए ।
कार्यक्रममा सांसदले शाहले आफ्नाे पार्टी नेपाली कांग्रेसकाे सरकारमा गएपछि २८ कराेड रकम कृष्णनगर देखि हरिहरपुरसम्मकाे बाटाे स्तराेन्तिका लागि विनियाेजित गराएकाे जानकारी दिदै संसदीय क्षेत्र र कृष्णनगरका लागि विभिन्न बिकासका याेजनाहरु स्वीकृत गराएकाे बताए ।
त्यस्तै नगर प्रमुख शाहले चार पुस्तादेखि राजनिति गर्दै आएकाे शाह परिवारले सत्तामा रहदा होस वा नरहदा आफु सधैं जनताकाे सेवाका लागि तत्पर भई कार्य गर्दै आएकाे बताए ।
बि.स २०७३ सालमा तत्कालीन कृष्णनगर लगायत वरपरका गाबिसहरु समावेश भई दाेस्राे पटक नगरपालिका घाेषित गरिएकाे थियाे । स्थानीय तहकाे संरचनाका आधारमा ठुलाे भवनकाे आवश्यकता ओैंल्याउदै नगरपालिकाले केसी कन्ट्रक्सन चन्द्राैटासंग समझाैता गरेपछि निर्माण अघि बढेकाे थिए ।
कृष्णनगर नगरपालिकाका तत्कालीन प्रमुख प्रशासकिय अधिकृत हाल शिवराज नगरपालिकामा कार्यरत गणेश प्रसाद अर्यालले स्थानीय तह निर्वाचन २०७४ पछि भवन निर्माण समझाैतालाई निरन्तरता दिएकाले नगरपालिका आज आफ्नाे भवन पाएकाेमा नेतृत्व पंक्तिलाई बधाई दिए ।
राेजगार संयाेजक इश्वरि पाैडेलले संचालन गरेका समुद्घाटन कार्यक्रममा जसपा केन्द्रीय सदस्य रामबरन यादव, रामसेवक यादव, उधाेग वाणिज्य संघ कृष्णनगरका अध्यक्ष रामकुमार गुप्ता, लायन्स क्लबका दिनेशचन्द्र गुप्ता, अजय उपाध्याय लगायत नगरपालिका कार्यपालिका सदस्य, वडाध्यक्ष, कर्मचारी र सर्वसाधारणकाे उपस्थिति रहेको थियाे ।
