श्याम गुप्ता
बारा, २८ माघ || बाराकाे जीतपुर वडा नं.७ स्थित जीतपुरसिमरा उपमहानगरपालिकाकाे कार्यालयमा वडाध्यक्ष जस्तो जिम्मेवार व्यक्तिले सरकारी सम्पत्ती तोडफोड गरेको भन्दै चाैतर्फी आलोचना भईरहेको छ ।
समस्या समाधानको बिभिन्न विकल्प हुँदाहुँदै तोडफोडमा उत्रनु गलत भएको प्रतिक्रिया नगरका बासिन्दाबाट आउँन थालेको हाे ।
जीतपुरसिमरा उपमहानगरपालिका वडा नं.४ का अध्यक्ष भोजबहादुर खत्रीले कार्यालयमा तोडफोडको विषय आपत्ती जनक रहेको बताए । उनले कार्यपालिका बैठक भित्र छलफल गरेर टुंग्याउँनु पर्ने भए पनि वडाध्यक्षको गरिमा बिर्सेर तोडफोड गर्नु गलत रहेको बताए ।
वडाध्यक्ष खत्रीले तत्काल कार्यपालिका बैठक राखेर यस विषयमा छलफल हुँनुपर्ने बताए । वडा नं.१६ का वडाध्यक्ष केदारनाथ बजगाईंले पनि वडाध्यक्ष जनताले मत दिएर निर्वाचित गरेका जनप्रतिनिधिले कार्यालय तोडफोड गर्नु अत्यन्तै दुःखद् रहेको बताए ।
यस्तै नगरकाे वडा नं.११ का अध्यक्ष विनोद यादवले जिम्मेवार व्यक्तिबाटै तोडफोड हुँनु अत्यन्तै निन्दनिय विषय रहेको बताएका छन् । उनले यस्तो घटनाले जनप्रतिनिधिप्रति आमजनताको धारणा नकारात्मक हुँने बताए ।
त्यस्तै वडा नं.७ का अध्यक्ष रामबाबु गुप्ताले सार्वजनिक सम्पत्ती तोडफोड गर्ने कार्य उचित नभएको प्रतिक्रिया दिएका छन् । काम गर्ने क्रममा समस्या आए त्यसलाई छलफलबाट टुंग्याउँनु पर्ने भए पनि कार्यलयमा तोडफोड गर्ने कार्य दुःखद् रहेको गुप्ताको भनाई छ । घटनाको विषयलाई लिएर सामाजिक संजालमा समेत चौतर्फी आलोचना भईरहेको छ ।
योजना सम्झौताको विषयलाई लिएर वडाध्यक्ष नैं तोडफोडमा उत्रिए पछि जीतपुरसिमरा उपमहानगरपालिकाको कामकाज अन्यौल बनेको छ । वडाध्यक्ष जस्तो जिम्मेवार व्यक्ति नैं तोडफोडमा उत्रिए पछि कर्मचारीहरु कार्यालयमा पुगेर काम गर्ने मनस्थितीमा छैनन् ।
कर्मचारी कार्यालयमा नआए नियमित कामकाज प्रभावित हुँने छ । उपमहानगरपालिकाको कार्यालयमा विहिवार भएको घटना पछि अधिकांश कर्मचारी त्रसित देखिएका छन् । उनिहरुले स्थिती सामान्य नभए सम्म काममा फर्कनुको औचित्य नरहेको बताउँन भन्दै छन् ।
जीतपुरसिमरा उपमहानगरपालिकाको कार्यालयमा विहिवार दिउँसो वडाअध्यक्षले तोडफोड गरेका थिए । योजनाको सम्झौता गर्न नमानेको भन्दै आक्रोसित १७ नं.वडाका अध्यक्ष नवराज खड्का तोडफोडमा उत्रिएका थिए ।
बजेट सिलिङ्ग भित्र वडाले छानेका योजनाको सम्झौता गर्न नदिएको भन्दै आक्रासित खड्काले नगर प्रमुख डा.कृष्ण पौडेलको टेबल तथा कार्यकारी प्रशासकिय चेत कुमार पोखरलेको टेबलमा रहेका कम्प्युटर सामाग्रीमा क्षती पुगेको छ ।
यस्तै योजना शाखाका आधा दर्जन कम्प्युटर सामाग्री तोडफोड भएका थिए ।

सम्बन्धित

विपद् प्रतिकार्यका लागि सशस्त्र प्रहरीको तलिमप्राप्त ५३ औं टोली तयार

धनुषामा सशस्त्र प्रहरीद्वारा पेस्तोल र गोलीसहित दुई युवा पक्राउ

नेपाल प्रहरी स्वास्थ्य उपसमूहतर्फका डा. दिपक भिन्दवार डीएसपीमा बढुवा सिफारिस

प्रतिष्ठान पदाधिकारी नियुक्तिमा दलबीच भागबनडा, काँग्रेसको सिफारिसमा डा.पण्डित रेक्टरमा नियुक्त

महागढीमाईको विद्यालयमा मेयर यादवको नजर व्यक्तिग स्वार्थमा जुनियरलाई काखा, सेनियरलाई पाखा

विवाह गर्ने उमेर १८ वर्ष कायम गर्न सिफारिस

जनकपुरधाम : स्टार कोचिँगका सञ्चालक यादव पक्राउ

विदेह नगरपालिकामा नयाँ प्रमुख प्रशासकिय अधिकृत दिपेन्द्र साह हाजिर