2024-12-30
Close
2024-12-30
जनकपुरधाम – मधेस प्रदेशको प्रमुख प्रतिपक्षी दल लोकतान्त्रिक समाजवादी पार्टी (लोसपा) धनुषा जिल्ला कार्यसमितिको सह-सचीव पदमा युवा नेता सुनिलकुमार श्रेष्ठ ‘सानु’ मनोनीत भएका छन् ।
लोसपा धनुषा अध्यक्ष परमेश्वर साहले युवा नेता सानुलाई आइतबार सह-सचीव पदमा मनोनयन गरेका हुन् । स्थानीय तहको निर्वाचनमा जनकपुरधाम उपमहानगरपालिका १२ बाट वडाअध्यक्षका उम्मेदवार रहेका उनी झिनो मतान्तरले पराजित बनेका थिए ।
लोसपाका वरिष्ठ नेता शरदसिंह भण्डारी निकट मानिने युवा नेता सानु श्रेष्ठ थरकै कारण मधेसको जातीय राजनीतिमा असफल बन्दा स्थानीय चुनावमा पराजित बन्न पुगेपनी लोसपा धनुषामा भने प्रभावशाली मानिन्छन् ।
लोसपाको धनुषा जिल्ला युवा अध्यक्षको पद समेत सम्हालिसकेका उनी पार्टीको मूल संगठनलाई उर्जाशिल बनाउँदै पार्टी संगठन विस्तारको काममा अझै सक्रिय रहने गरी पार्टीले जिम्मेवारी दिएकोमा त्यसप्रति खरो रूपमा उत्रिने बताउँछन् ।
