2024-11-26
Close
2024-11-26
काठमाडौं । लोकतान्त्रिक समाजवादी पार्टीका बरिष्ट नेता राजेन्द्र महतोले पाँच दलीय गठबन्धनमा सहभागी हुने र सरकारमा सामेल हुने सम्भावना बढेको बताएका छन् ।
आईतवार प्रधानमन्त्री शेरबहादुर देउवासँग छलफल गर्न लोसपा अध्यक्ष महन्थ ठाकुर, वरिष्ठ नेता राजेन्द्र महतो, शरतसिंह भण्डारी, अनिल झा, सर्वेन्द्रनाथ शुक्ला र लक्ष्मणलाल कर्ण प्रधानमन्त्री निवास बालुवाटार पुगेका थिए । भेटपछि बरिष्ट नेता महतोले गठबन्धन र सरकारमा सामेल हुने विषयमा सकारात्मक छलफल भएको बताए ।
उनका अनुसार भेटमा मधेस आन्दोलनका क्रममा लागेका मुद्दा फिर्ता र सरकारमा सहभागी हुनेबारे छलफल भएको हो । प्रधानमन्त्री देउवाले आफ्ना कार्यकर्ताको मुद्दा फिर्ता लिन प्रक्रिया सुरू गर्ने प्रतिबद्धता जनाएको र सरकारमा सहभागी हुन समेत आग्रह गरेको उनले बताए ।
‘नागरिकता विधेयक पास भइसकेको छ । योसँगै हाम्रो एउटा माग पूरा भएको छ । अब मधेस आन्दोलनका क्रममा लागेका मुद्दा फिर्ता बाँकी छ । त्यो पनि प्रधानमन्त्रीले प्रक्रिया सुरू गर्ने भन्नुभएको छ,’ महतोले भने, ‘मुद्दा फिर्ता भइसकेपछि हामी सरकारमा सहभागी हुने बाटो खुल्छ । हामी पाँच दलीय गठबन्धनमा सहभागी हुने र सरकारमा सामेल हुने विषयमा सकारात्मक छलफल भएको छ ।’
सरकारमा सहभागिताबारे नेकपा माओवादीका अध्यक्ष पुष्पकमल दाहाल ुप्रचण्डु स्वदेश फर्किएपछि अघि बढ्ने महतोले बताए । प्रचण्ड अहिले जापान भ्रमणमा छन् ।प्रतिनिधिसभा विघटन नभएकाले सरकारमा सहभागी हुन मिल्ने महतोले बताए ।
