2025-01-16
Close
2025-01-16
जनकपुरधाम । मधेश प्रदेशको राजधानी जनकपुरधामसहितका आसपासको क्षेत्रमा चाडपर्वको नाममा अश्लिल ओरकेष्ट्राको रुझान पुनः सुरु भएको छ । धनुषा र महोत्तरी जिल्लामा केटीनाच पूर्ण प्रतिबन्ध लगाएपनि प्रहरीकै सेटिङ्गमा दुवै जिल्लाको विभिन्न स्थानमा अश्लि भनिएको ओरकेष्ट्रा सँचालन भइरहेको पाईएको हो ।
धनुषा जिल्लामा केही महिना अगाडी डिजे बाजामा कडा निगरानी गरेको धनुषा प्रहरी प्रशासनले प्रतिबन्ध लगाएको थियो । तर अहिले प्रहरी प्रशासनकै अगाडि आरेकेष्ट्रा नाच सञ्चालन भइरहेको छ । गाउँघरमा आस्थाको पर्वहरुमा रक्सी सेवन गरी हो हल्ला गर्ने ओरकेष्ट्राले नाच्दै गर्दा अप्रिय घटनाहरु समेत हुने गरेका छन् ।
मधेश प्रदेशका विभिन्न जिल्लामा चाडपर्व सुरु भएसँगै छिमेकी मुलुक भारतको बिहार, युपी राज्यबाट केटीनाच ल्याएर नचाउने गरिन्छ । धनुषा जिल्लाको विभिन्न स्थानमा हुने ओरकेष्ट्रा नाचको लागि धनुषा प्रहरी नै निगरानी गरी नचाउने गरेको छ । धनुषाको पूर्वी क्षेत्रको गाउँहरुमा हुने आरेकेष्ट्रामा प्रहरी नै लाईन दिएर नाच्ने वातावरण मिलाएको देखिएको छ ।
जिल्ला प्रहरी कार्यालय धनुषाका प्रहरी प्रमुख एसपी बसन्त रजौरेले कडाई गरेपनि उनका मातहतका सिपाहीहरुले मेला समितिहरुसँग साँठगाँठ गरी ओरकेष्ट्रा नाच्न अनुमति मात्र नभई आफैँ समेत हेर्न व्यस्त रहेको देखिन्छन् ।
जिल्ला प्रशसान कार्यालय धनुषा र जिल्ला प्रहरी कार्यालय धनुषाले संयुक्त रुपमा धनुषामा डिजे र ओरकेष्ट्रा प्रतिबन्ध लगाएपनि कार्यान्वय भने गराउन सकिरहेको छैनन् । विभिन्न ठाउँमा प्रहरी आफैँ पनि केटी नाचजको स्टेजमा उपस्थिति जनाएर आरेकेष्ट्रा नचाउने गरिरहेको छ ।
अहिले प्रहरी नै त्यस्ता नाचहरु सञ्चालन भइरहेको स्थानमा उपस्थित भइरहेको भिडियो सामाजिक सञ्जालमा भाइरल भइरहेको छ ।
