2024-11-16
Close
2024-11-16
जनकपुरधाम । नेकपा एमाले परित्याग गरिसकेका गंगाराम यादवलाई झुठो आश्वासन दिएर जनता समाजवादी पार्टी (जसपा) अध्यक्ष उपेन्द्र यादव पार्टीमा भित्र्याउन लागेको खुलेको छ ।
लोसपा प्रमुख सचेतक छाडेर एमालेमा प्रवेश गरेका पूर्वमन्त्री तथा प्रभावशाली नेता उमाशंकर अरगरियालाई धनुषा २ बाट टिकट दिने भएका छन् । सोही कारण टिकटका दाबेदार गंगाराम यादव एमाले छाडे र जसपा प्रवेश गर्ने बताइरहेका छन् ।
स्रोतका अनुसार जसपा अध्यक्ष उपेन्द्र यादवले गंगाराम यादवलाई टिकट दिने आश्वासन दिएका छन् । तर धनुषा २ मा सत्ता गठबन्धनको तर्फबाट काँग्रेसका रामकृष्ण यादव वा नेकपा एकिकृत समाजवादीका रामचन्द्र झाले टिकट पाउने लगभग निश्चित छ ।
यस्तो अवस्थामा जसपा अध्यक्ष उपेन्द्र यादवले धनुषा २ बाट गंगाराम यादवलाई उम्मेदवार बनाउने सम्भावना छैन । त्यसैले उपेन्द्र यादवले गंगाराम यादवलाई टिकटको लोभ देखाएर पार्टीमा प्रवेश गराउन लागेको स्पष्ट छ ।
जसपा अध्यक्ष यादवले यसअघि पार्टीमा भित्र्याएर बलराम महतोलाई समेत टिकटको लोभ दिएका थिए । पपहिले महतोलाई टिकटको लोभ देखाएर पार्टीमा प्रवेश गराए । अहिले उनलाई पाखा लगाएर अहिले गंगाराम यादवलाई टिकटको लोभ देखाएर उपेन्द्र यादवले पार्टीमा प्रवेश गराउन लागेपछि अनेक टिकाटिप्पणी सुरु भइसकेको छ ।
जसपा अध्यक्ष उपेन्द्र यादवले भोली गंगाराम यादवलाई पार्टीमा प्रवेश गराउने बुझिएको छ । अहिले गंगाराम यादवलाई टिकट पाउने जस्तो लागिरहेको छ तर अन्ततः उनी धोका खाने स्रोतको दावी छ ।
