2025-01-15
Close
2025-01-15
जनकपुरधाम । धनुषा क्षेत्र नम्वर २ का उम्मेदवार उमाशंकर अरगरियालाई जिताउन अन्य पार्टीका नेता कार्यकर्ताहरु धमाधम नेकपा एमालेमा प्रवेश गर्न थालेका छन् ।
०७४ मा तत्कालिन संघीय समाजवादी पार्टीबाट भारी मतका साथ जितेका अरगरिया यो पटक नेकपा एमालेबाट चुनावी मैदानमा उत्रेका छन् । उनी दलबलसहित एमालेमा प्रवेश गरेका थिए । अहिले पनि उनलाई समर्थन गर्न अन्य दलका नेता कार्यकर्ता एमालेमा प्रवेश गरिरहेका छन् ।
बुधवार जनता समाजवादी पार्टी (जसपा) शहिदनगर नगरपालिकाका उपाध्यक्ष रामसुन्दर यादव (मास्टर साहेब) पनि एमालेमा प्रवेश गरे । यस्तै जनमत पार्टीका वडा सदस्य प्रत्यासी रेखा यादव पनि एमालेमा प्रवेश गरिन् । उम्मेदवार अरगरियालाई जिताउन एमालेमा प्रवेश गरेको उनीहरुले बताएका छन् । 
०७४ मा अरगरिया विजयी भएपछि धनुषा क्षेत्र नम्वर २ मा विकासले गति लिएको स्थानीय बताउँछन् । अरगरियाभन्दा पहिले जितेका नेताहरु केहि गर्न नसकेको र अहिले पुनः उम्मेदवार बनेर जनतालाई झूठो आश्वासन दिन थालेका छन् । त्यहाँका जनता भने अरगरियाको पक्षमा देखिन्छन् ।
