2024-11-16
Close
2024-11-16
अप्पन जनकपुर
जनकपुरधाम । जनमत पार्टी निकट विद्यार्थी जनमत संघले स्ववियू चुनाव एक्लै लड्ने निर्णय गरेको छ ।
मंगलबार काठमाडौंमा बसेको विद्यार्थी जनमत संघको केन्द्रीय समिति बैठकले स्ववियू चुनाव एक्लै लड्ने निर्णय गरेको निर्वाचन परिचालन समितिका सभापति बीपी साहले जानकारी दिए ।
विद्यार्थी जनमत संघ पहिलो पटक स्ववियू निर्वाचनमा सहभागी भइरहेकोले देशभरीका कलेजहरुमा एक्लै चुनाव लड्ने निर्णय गरेको उनले जनाए ।
बैठकमा जनमत पार्टीका अध्यक्ष डा.सीके राउतले उच्च मनोबलका साथ चुनावमा सहभागी हुन विद्यार्थी नेताहरुलाई निर्देशन दिए।
‘देशको परिवर्तनहरुमा विद्यार्थीहरुको भूमिका महत्वपूर्ण रहेको छ । अव देशको शिक्षाको सुधारमा विद्यार्थीहरुले पनि महत्वपूर्ण भूमिका खेल्नु पर्छ।’ अध्यक्ष राउतले भने,‘लामो समयदेखि रोकिएको स्ववियूको निर्वाचनले अव नयाँ नेतृत्वको उदय गराउनेछ। यस निर्वाचनले विद्यार्थी जनमत संघलाई राष्ट्रव्यापी बनाउने छ।’
यसैगरी केन्द्रीय समिति बैठकले निर्वाचन परिचालन समितिको केन्द्रीय सभापतिमा बीपी साहलाई चयन गरेको छ भने समन्वयको जिम्मेवारी मधेश प्रदेश सरकारका कृषि राज्यमन्त्री संजय कुमार यादवलाई दिइएको छ ।
